ଭୁବନେଶ୍ବର : ବହୁ ଚର୍ଚ୍ଚିତ ଅର୍ଚ୍ଚନା ନାଗ ମାମଲା ଏବେ ଜାତୀୟ ମାନବାଧିକାର କମିସନରେ ପହଞ୍ଚିଛି। ନ୍ୟାୟ ପାଇଁ ଲଢେଇ ପରିବାରର ରାଜ୍ୟ ସଭାପତି ସୁବ୍ରତ କୁମାର ଦାଶ ଏନେଇ କମିସନଙ୍କ ନିକଟରେ ଅଭିଯୋଗ କରିଛନ୍ତି।
ଅଭିଯୋଗପତ୍ରରେ ସେ ଉଲ୍ଲେଖ କରିଛନ୍ତି ଯେ ଅର୍ଚ୍ଚନା ନାଗ ଅନେକ ନିରୀହ ଝିଅଙ୍କ ଇଜ୍ଜତ ସହିତ ଖେଳିବା ସହିତ ସେମାନଙ୍କୁ ନେତା, ମନ୍ତ୍ରୀ, ପୁଲିସ ଅଧିକାରୀ, ଶିଳ୍ପପତି, ହୋଟେଲ ବ୍ୟବସାୟୀଙ୍କ ନିକଟକୁ ପଠାଇଛି। କେବଳ ସେତିକି କରି ନାହିଁ, ନଗ୍ନ ଭିଡ଼ିଓ ସୁଟିଂ କରି ବ୍ଲାକମେଲ୍ କରିଛି। ଏ ନେଇ ସୁବ୍ରତ ୧୧ଟି ସମ୍ବେଦନଶୀଳ ତଥ୍ୟ ମଧ୍ୟ ରଖିଛନ୍ତି କମିସନଙ୍କ ନିକଟରେ। କମିସନ ଘଟଣାର ବିଚାର ପାଇଁ ରାଜ୍ୟ ମାନବାଧିକାର କମିସନଙ୍କୁ ଅଭିଯୋଗର ତଦନ୍ତ କରିବାକୁ ନିର୍ଦେଶ ଦେଇଛନ୍ତି।
