ନୂଆଦିଲ୍ଲୀ ୧୭/୪: ପରଲୋକରେ ହଲିଉଡ୍ ଅଭିନତ୍ରୀ ହେଲେନ୍ ମାକକ୍ରୋରୀ। କର୍କଟରେ ପୀଡ଼ିତ ଥିବା ହେଲେନ୍ ୫୨ ବର୍ଷ ବୟସରେ ଶେଷ ନିଶ୍ବାସ ତ୍ୟାଗ କରିଛନ୍ତି। ହେଲେନଙ୍କ ମୃତ୍ୟୁ ନେଇ ତାଙ୍କ ସ୍ବାମୀ ଡ୍ୟାମିୟନ୍ ଲୁଇସ୍ ସୋସିଆଲ୍ ମିଡିଆରେ ସୂଚନା ଦେଇଛନ୍ତି।
ଲୁଇସ୍ ହେଲେନଙ୍କ ମୃତ୍ୟୁ ହୋଇଥିବା ନେଇ ସୂଚନା ଦେଇ ଟ୍ବିଟ୍ରରେ ଲେଖିଛନ୍ତି, ‘ଅତ୍ୟନ୍ତ ଦୁଃଖର ସହ ଆପଣମାନଙ୍କୁ କହିବାକୁ ପଡ଼ୁଛି କ୍ୟାନସର ସହ ଲଢ଼ୁଥିବା ହେଲେନ୍ ମାକକ୍ରୋରୀଙ୍କ ନିଧନ ହୋଇଯାଇଛି। ନିଜ ପରିବାର ଏବଂ ବନ୍ଧୁମାନଙ୍କ ଗହଣରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି। ଆମେ ସବୁ ଭାଗ୍ୟାଶାଳୀ କାରଣ ଆମେମାନେ ଶେଷ ମୁହୂର୍ତ୍ତରେ ତାଙ୍କ ସହ ରହିଥିଲୁ। ସେ ଜଣେ ଉଦୀୟମାନ ତାରକା ଥିଲେ।’
ହେଲେନ୍ ଜଣେ ବହୁ ଲୋକପ୍ରିୟ ହଲିଉଡ୍ ଅଭିନେତ୍ରୀ ଥିଲେ। ସେ ହ୍ୟାରି ପୋଟର ଏବଂ ଜେମ୍ସ ବଣ୍ଡ ଫିଲ୍ମ ସ୍କାଏଫଲ୍ରେ ଅଭିନୟ କରିଥିଲେ। ଏହା ବ୍ୟତୀତ ହେଲେନ ‘ପିକି ବ୍ଲାଇଁଡର୍ସ’ରେ ପୋଲି ଗ୍ରେ ଭୂମିକାରେ ଦର୍ଶକଙ୍କ ମନ କିଣିଥିଲେ ।
