ଦେବଗଡ ୧୮/ ୦୭: ଦେବଗଡ ଜିଲ୍ଲା ଅବକାରୀ ବିଭାଗ ପକ୍ଷରୁ ସୋମବାର ରିଆମାଳ ଥାନା ଅନ୍ତର୍ଗତ ରେଙ୍ଗାଳବାହାଳ ଗ୍ରାମରେ ଚଢାଉ । ଚୋରା ଗଞ୍ଜେଇ ସହ ଜଣେ ମହିଳାଙ୍କୁ ଗିରଫ କରାଯାଇଛି । ଚୋରା ଗଞ୍ଜେଇ ରଖିଥିବା ଅଭିଯୋଗରେ ଗିରଫ ହୋଇଥିବା ମହିଳା ଜଣଙ୍କ ହେଲେ ରେଙ୍ଗାଳବାହାଳ ଗ୍ରାମର ଗନ୍ଧର୍ବ ପ୍ରଧାନଙ୍କ ସ୍ତ୍ରୀ ମଞ୍ଜୁ ସାହୁ ।
ଜିଲ୍ଲା ଅବକାରୀ ବିଭାଗ ପକ୍ଷରୁ ରିଆମାଳ ବ୍ଲକ ଅଞ୍ଚଳରେ ଇନ୍ସପେକ୍ଟର ମଧୁସୂଦନ ସାହୁଙ୍କ ନେତୃତ୍ଵରେ ଧରପଗଡ ଚାଲିଥିବା ବେଳେ ରେଙ୍ଗାଳବାହାଳ ଗ୍ରାମରେ ସଂପୃକ୍ତ ମହିଳାଙ୍କ ଘରେ ଚୋରାରେ ଗଞ୍ଜେଇ ରଖାଯାଇଥିବା ଖବର ମିଳିଥିଲା । ଖବରପାଇ ଅବକାରୀ ବିଭାଗ ପକ୍ଷରୁ ସଂପୃକ୍ତ ବ୍ୟକ୍ତିଙ୍କ ଘରେ ଚଢାଉ କରାଯାଇଥିବା ବେଳେ ମଞ୍ଜୁ ସାହୁ ଗଞ୍ଜେଇକୁ ବସ୍ତା ରେ ଭର୍ତ୍ତି କରି ନେଇ ପଳାଇଯାଉଥିଲେ ।
ଅବକାରୀ ବିଭାଗ ପକ୍ଷରୁ ବସ୍ତାରେ ଭର୍ତ୍ତି ଗଞ୍ଜେଇକୁ ଜବତ କରାଯିବା ସହ ସଂପୃକ୍ତ ମହିଳାଙ୍କୁ ଗିରଫ କରାଯାଇଛି । ଜବତ ଗଞ୍ଜେଇର ଓଜନ ପାଞ୍ଚ କିଲୋ ବୋଲି ଜଣାପଡ଼ିଛି । ଅବକାରୀ ବିଭାଗ ପକ୍ଷରୁ ସଂପୃକ୍ତ ମହିଳାଙ୍କୁ କୋର୍ଟ ଚାଲାଣ କରାଯାଇଛି ।
