ଟାଙ୍ଗୀ, ୨୩/୦୬: ଗଞ୍ଜେଇ ବ୍ୟବସାୟୀଙ୍କୁ ଧରପଗଡ କରିବା ପାଇଁ ଟାଙ୍ଗୀ ଅବକାରୀ ବିଭାଗ ପକ୍ଷରୁ କରାଯାଇଥିଲା ସୁ-ବନ୍ଦୋବସ୍ତ । ଗଞ୍ଜେଇ ବ୍ୟବସାୟୀ ଜଣକ ଗଞ୍ଜେଇ ବିକ୍ରୀ କରିବା ପାଇଁ ଗରାଖ ଖୋଜିଲେ ଆଉ ସେହି ସମୟରେ କ୍ରୟ କରିବା ପାଇଁ ଅବକାରୀ ବିଭାଗ ପକ୍ଷରୁ କର୍ମଚାରୀ ପୂର୍ବ କଳ୍ପିତ ନାଟକ ପରିବେଷଣ କରିଥିଲେ । ହେଲେ ଅବକାରୀ ବିଭାଗର ଏହି ନାଟକ ସମ୍ପର୍କରେ ବିଚରା ଗଞ୍ଜେଇ ବ୍ୟବସାୟୀ ଜାଣିପାରିଲେ ନାହିଁ । ଆଉ ଶେଷରେ ଅବକାରୀ ବିଭାଗର ଛଦ୍ମବେଶଧାରୀ ଲୋକଙ୍କୁ ବ୍ୟବସାୟୀ ଜଣକ ଗଞ୍ଜେଇ ବିକ୍ରୀ କରିବା ବେଳେ ଧରାପଡି ଯାଇଥିଲେ ।
ଏଭଳି ଘଟଣା ଘଟିଛି ଖୋର୍ଦ୍ଧା ଜିଲ୍ଲାର ଟାଙ୍ଗୀ ନିକଟସ୍ଥ କୁହୁଡ଼ି ରେଳ ଷ୍ଟେସନ ନିକଟରେ । ଗିରଫ ଗଞ୍ଜେଇ ବ୍ୟବସାୟୀ ଜଣକ ହେଉଛନ୍ତି କୁହୁଡ଼ି ଗ୍ରାମର ଅଜୟ ଭୋଇ । ଗଞ୍ଜେଇ ବ୍ୟବସାୟୀଙ୍କ ଠାରୁ ୧୫ ହଜାର ଟଙ୍କାର ଗଞ୍ଜେଇ ଜବତ ହୋଇଥିବା ଟାଙ୍ଗୀ ଅବକାରୀ ବିଭାଗର ଅଧିକାରୀ ଆଲୋକ ପ୍ରଧାନ ସୂଚନା ଦେଇଛନ୍ତି ।
