ନୂଆଦିଲ୍ଲୀ ୧୩/୦୨: ଦେଶର ୧୫ରୁ ଅଧିକ ରାଜ୍ୟର ଛାତ୍ରମାନେ ବୋର୍ଡ ଓ ସିବିଏସଇ ପରୀକ୍ଷାର ଅଫଲାଇନ୍ ମୋଡକୁ ବିରୋଧ କରୁଛନ୍ତି । ପରୀକ୍ଷା ଅନଲାଇନରେ କରିବା ପାଇଁ ସେମାନେ ଦାବି କରୁଛନ୍ତି । ଏପରିକି ବିକଳ୍ପ ମୂଲ୍ୟାୟନ ପାଇଁ ମଧ୍ୟ ସେମାନେ ଦାବି କରିବା ସହ ସୁପ୍ରିମକୋର୍ଟରେ ମାମଲା ଦାଖଲ କରିଛନ୍ତି ।
ଶିଶୁ ଅଧିକାର କାର୍ଯ୍ୟକର୍ତ୍ତା ଅନୁଭା ଶ୍ରୀବାସ୍ତବ ସହାୟ ଓ ଓଡିଶାର କିଛି ଛାତ୍ର ସଙ୍ଗଠନ ସୁପ୍ରିମକୋର୍ଟରେ ମାମଲା ଦାଖଲ କରିଛନ୍ତି । ଛାତ୍ରମାନେ ବୋର୍ଡ କିପରି ଭାବେ ସଠିକ୍ ଭାବେ ଫଳାଫଳ ପ୍ରକାଶ କରିବ ଓ ବିକଳ୍ପ ପଦ୍ଧତିରେ ମୂଲ୍ୟାୟନ କରିବ ସେନେଇ କୋର୍ଟରେ ଦର୍ଶାଇଛନ୍ତି । ସବିଏସଇ ୧୦ମ ଓ ଦ୍ୱାଦଶ ପରୀକ୍ଷା ଏପ୍ରିଲ ଶେଷ ସପ୍ତାହରେ କରୁ ବୋଲି ସେମାନେ ଆବେଦନରେ ଅନୁରୋଧ କରିଛନ୍ତି ।
ଆଇସିଏସଇ ଓ ନ୍ୟାଶନାଲ ଇନଷ୍ଟିଚ୍ୟୁଟ ଅଫ୍ ଓପନ ସ୍କୁଲିଂର ଏବେସୁଦ୍ଧା କୌଣସି ଗାଇଡଲାଇନ୍ ଜାରି କରାଯାଇ ନାହିଁ । କିଛି ରାଜ୍ୟ ପରୀକ୍ଷାସୂଚୀ ଜାରି କରିଛନ୍ତି । ଆଉ କିଛି ପରୀକ୍ଷା କିପରି ଆୟୋଜନ କରିବେ ସେନେଇ ଆଲୋଚନା ଜାରି ରଖିଛନ୍ତି ।
ଛାତ୍ର ସଙ୍ଗଠନ ପକ୍ଷରୁ ଦାଖଲ ଯାଚିକାରେ କୁହାଯାଇଛି ଯେ, ସେମାନେ ରାଜ୍ୟ ସରକାର ଓ ଅନ୍ୟ ବୋର୍ଡର ଏତାଦୃଶ ବ୍ୟବହାରରେ ଅସନ୍ତୁଷ୍ଟ ଅଛନ୍ତି । ସେମାନେ କ୍ୟାରିଅରକୁ ନେଇ ଚିନ୍ତିତ ଅଛନ୍ତି । କୋଭିଡ ପାଇଁ ସ୍କୁଲ ଓ କଲେଜ ବନ୍ଦ ରହିଥିଲା । ଏହାସହ ସେମାନେ ପରୀକ୍ଷା ଅନଲାଇନରେ କରିବାକୁ କହିଛନ୍ତି ।
