ଭୁବନେଶ୍ବର : ବ୍ରାଉନ୍ସୁଗାର କାରବାର ରୋକିବାକୁ କମିସନରେଟ୍ ପୁଲିସ ପକ୍ଷରୁ ଚାଲିଥିବା ଅପରେସନ ‘ହ୍ୱାଇଟ୍ ସ୍ପାଇଡର୍’ ମାଧ୍ୟମରେ ଚଳିତ ବର୍ଷ ଜାନୁଆରିରୁ ଜୁନ୍ ୧୬ ତାରିଖ ସୁଦ୍ଧା ୩୧ଟି ମାମଲା ରୁଜୁ କରାଯାଇଛି। ଏହି ମାମଲାରେ ୫୯ ଜଣ ନିଶା ବେପାରୀଙ୍କୁ କୋର୍ଟ ଚାଲାଣ କରାଯାଇଛି। ସେମାନଙ୍କ ନିକଟରୁ ୩୬୫.୭୫ ଗ୍ରାମ୍ ବ୍ରାଉନ୍ସୁଗାର (ଆନୁମାନିକ ବଜାର ମୂଲ୍ୟ ୩୬ ଲକ୍ଷ ଟଙ୍କା), ୧ ଲକ୍ଷ ୨ ହଜାର ୪୫ଟଙ୍କା, ୨୭ ମୋବାଇଲ ଫୋନ୍ ଏବଂ ୧୪ଟି ଦୁଇ ଚକିଆ ଗାଡ଼ି ଜବତ କରାଯାଇଛି।
ସେହିପରି ଚଳିତ ବର୍ଷ ଏଯାବତ ମୋଟ ୪୦ଟି ଗଞ୍ଜେଇ ଚାଲାଣ ମାମଲା ରୁଜୁ କରାଯାଇ ୮୬ ଜଣଙ୍କୁ କୋର୍ଟ ଚାଲାଣ କରାଯାଇଛି। ସେମାନଙ୍କ ନିକଟରୁ ୧୩ କ୍ବିଣ୍ଟାଲ ୧୯ କେଜି ୩୧୭ ଗ୍ରାମ୍ ଗଞ୍ଜେଇ, ୭ ଲକ୍ଷ ୮୪ ହଜାର ୮୭୦ ଟଙ୍କା, ୩୯ ଟି ମୋବାଇଲ ଫୋନ ଏବଂ ୨୫ଟି ଗାଡ଼ି ଏବଂ ୧୦୩.୭୪ ଗ୍ରାମ୍ ଓଜନର ସୁନା ଅଳଙ୍କାର ଜବତ କରଯାଇଛି।
