ରାଉରକେଲା ୨୭/୦୬: ହକି ତାରକା ବୀରେନ୍ଦ୍ର ଲାକ୍ରାଙ୍କ ବିରୋଧରେ ହତ୍ୟା ଅଭିଯୋଗ । ଅନ୍ତର୍ଜାତୀୟ ହକି ତାରକା ବୀରେନ୍ଦ୍ର ଲାକ୍ରାଙ୍କ ବିରୋଧରେ ହତ୍ୟା ଅଭିଯୋଗ ଆଣିଛନ୍ତି ତାଙ୍କ ପିଲାଦିନର ସାଙ୍ଗ ଆନନ୍ଦ ଟପ୍ପୋଙ୍କ ପରିବାର ଲୋକେ । ଆନନ୍ଦଙ୍କୁ ହତ୍ୟା କରି ଆତ୍ମହତ୍ୟା ରୂପ ଦିଆଯାଉଥିବା ପରିବାର ଲୋକେ ଅଭିଯୋଗ କରିଛନ୍ତି ।
ପୋଲିସ ଠାରୁ ସହଯୋଗ ମିଳୁନଥିବା ଅଭିଯୋଗ କରି ଆନନ୍ଦ ଟପ୍ପୋଙ୍କ ବାପା ଏବେ ନ୍ୟାୟ ଦାବି କରିଛନ୍ତି । ଗତ ଫେବୃଆରୀ୧୬ରେ ଆନନ୍ଦଙ୍କ ବିବାହ ହୋଇଥିଲା । ବିବାହର ୧୦ ଦିନ ପରେ ଫେବ୍ରୁଆରୀ ୨୭ରେ ଆନନ୍ଦ ଓ ତାଙ୍କ ପତ୍ନୀଙ୍କୁ ଧରି ଶ୍ୱଶୁର ଘରକୁ ଯାଇଥିଲେ । ଲାଇକେରାରେ ତାଙ୍କ ପତ୍ନୀଙ୍କୁ ଛାଡ଼ି ଦୁଇ ବନ୍ଧୁଙ୍କ ସହ ଆନନ୍ଦ କାରରେ ଯାଇଥିଲେ ଭୁବନେଶ୍ୱର ।
ଭୁବନେଶ୍ବର ଇନଫୋସିଟି ଅଞ୍ଚଳରେ ଏକ ଆପାର୍ଟମେଣ୍ଟରେ ଆନନ୍ଦ ରହିଥିଲେ । ହେଲେ ତାଙ୍କ ପରିବାରକୁ ଖବର ଆସିଥିଲା ଆନନ୍ଦ ରହୁଥିବା ଫ୍ଲାଟ୍ ରେ ବେକରେ ଶାଢ଼ୀ ଲଗାଇ ଆତ୍ମହତ୍ୟା କରିଛନ୍ତି । ବିବାହର ୧୨ ଦିନ ପରେ ପୁଅର ମୃତ୍ୟୁ ଖବରକୁ ବାପା ମାଆ ବିଶ୍ବାସ କରିପାରିନଥିଲେ । ଖବର ପାଇ ଭୁବନେଶ୍ବରରେ ପହଞ୍ଚିଥିଲେ ମୃତ ଆନନ୍ଦଙ୍କ ବାପା ମା ।
ଇନଫୋସିଟି ଥାନାକୁ ପୋଲିସ ସତେବେଳକୁ ଏକ ଅପମୃତ୍ୟୁ ମାମଲା ରୁଜୁ କରିସାରିଥିଲା । ତାଙ୍କ ପୁଅ ଆନନ୍ଦ ଟପ୍ପୋଙ୍କୁ ହତ୍ୟା କରାଯାଇଛି ଏବଂ ଏହା ପଛରେ ବୀରେନ୍ଦ୍ର ଲାକ୍ରା ଓ ତାଙ୍କ ମହିଳା ବନ୍ଧୁ ମନଜିତ୍ ଟେଟେଙ୍କ ସଂପୃକ୍ତି ରହିଛି ବୋଲି ଆନନ୍ଦଙ୍କ ପରିବାର ଲୋକେ ଅଭିଯୋଗ କରିଛନ୍ତି ।
