ନୂଆଦିଲ୍ଲୀ, ୨୯|୦୫ : ଉତ୍ତରପ୍ରଦେଶ ବାହାରିଚରେ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି । ବହରାଇଚ-ଲଖିମପୁର ରାସ୍ତାରେ ଏକ ଟ୍ରକ୍ ସହ ଅଟୋ ଧକ୍କା ହେବା ଫଳରେ ୭ଜଣ ଯାତ୍ରୀଙ୍କ ମୃତ୍ୟୁ ହୋଇଛି । ଦୁର୍ଘଟଣାରେ ୧୨ଜଣ ଆହତ ମଧ୍ୟ ହୋଇଛନ୍ତି ।
ସୂଚନାନୁସାରେ, ଶନିବାର ରାତିରେ ଏକ ଅଟୋରେ କିଛି ଯାତ୍ରୀ କୌଣସି ଏକ କାମରେ ବାହାରିଚ ଆଡେ ଯାଉଥିଲେ । ତେବେ ବହରାଇଚ-ଲଖିମପୁର ରାସ୍ତାରେ ସେମାନଙ୍କ ଅଟୋ ସହ ଏକ ଟ୍ରକ୍ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ହିଁ ୫ ଜଣଙ୍କର ମୃତ୍ୟୁ ହୋଇଯାଇଥିଲା । ପରେ ଆଉ ୨ ଜଣ ପ୍ରାଣ ହରାଇଥିଲେ । ଏହାସହ ୧୨ ଜଣ ଆହତ ମଧ୍ୟ ହୋଇଛନ୍ତି । ଆହତଙ୍କ ମଧ୍ୟରୁ କିଛି ଯାତ୍ରୀ ଗୁରୁତର ଥିବା ମଧ୍ୟ ସୂଚନା ମିଳିଛି ।
ସମସ୍ତ ଆହତ ଓ ଗୁରୁତରଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଦୁର୍ଘଟଣା କିପରି ଘଟିଲା ସେ ନେଇ ପୋଲିସ ତଦନ୍ତ ଚଳାଇଛି ।
