ଭୁବନେଶ୍ୱର ୧୯/୦୩: ଅନେକ ସମୟରେ ଆମେ ବହୁତ କ୍ଳାନ୍ତ ହୋଇଯାଇଥାଉ, କିନ୍ତୁ ଶୋଇବାକୁ ଚାହିଁ ମଧ୍ୟ ଶୋଇ ପାରୁନଥାଉ । ଭଲ ନିଦ ପାଇବା ପାଇଁ ଆମେ ଚେଷ୍ଟା କରୁ କିନ୍ତୁ ମଝିରେ ଆମର ନିଦ ଭାଙ୍ଗିଯାଏ । କିଛି ଲୋକଙ୍କୁ ରାତିରେ ଭୟାନକ ସ୍ୱପ୍ନ ଆସିଥାଏ । ବେଳେବେଳେ ଖରାପ ଦିନଗୁଡ଼ିକ ଫ୍ଲାସବ୍ୟାକ୍ ଭାବରେ ଚାଲୁଥିବା ଦେଖାଯାଏ । ଏପରି ପରିସ୍ଥିତିରେ, ଯେତେବେଳେ ବି ଆପଣ ଶୋଇବାରୁ ଉଠିଥାନ୍ତି, ଆପଣଙ୍କ ମୁଣ୍ଡ ବିନ୍ଧା ହୋଇଥାଏ । ଏଥିପାଇଁ କିଛି ଏମିତି ଉପାୟ ଅଛି ଯାହା ମାଧ୍ୟମରେ ଆପଣ ଆରାମରେ ଶୋଇପାରିବେ । ତେବେ ଚାଲନ୍ତୁ ଜାଣିବା କ’ଣ ରହିଛି ସେହି ଉପାୟଗୁଡିବ…
ଉଷମ ପାଣିରେ ଗାଧାନ୍ତୁ :
ଉଷୁମ ପାଣିରେ ଗାଧୋଇବା ଆପଣଙ୍କୁ କେବଳ ଅନେକ ରୋଗରୁ ରକ୍ଷା କରିବ ନାହିଁ, ବରଂ ଏହା ଦ୍ୱାରା ଆପଣଙ୍କୁ ଭଲ ନିଦ ମଧ୍ୟ ଆସିଥାଏ । ଯଦି ଅପଣଙ୍କୁ ନିଦ ଆସୁନାହିଁ ତେବେ ଆପଣ ଉଷୁମ ପାଣିରେ ଗାଧୋଇ ଶୋଇପାରିବେ, ଏହା ଆପଣଙ୍କ ଦିନସାରା ଥକାପଣରୁ ମୁକ୍ତି ଦେବ ।
କୌଣସି ବହି ପଢନ୍ତୁ :
ଶୋଇବା ପୂର୍ବରୁ ଯଦି ଆପଣଙ୍କର ଫିଲ୍ମ କିମ୍ବା ଭିଡିଓ ଦେଖିବାର ଅଭ୍ୟାସ ଅଛି, ତେବେ ଏହି ଅଭ୍ୟାସକୁ ବଦଳାନ୍ତୁ କାରଣ ଏହା ଆପଣଙ୍କ ନିଦକୁ ବାଧା ଦେଇଥାଏ । ଶୋଇବା ପାଇଁ ଅପଣ ଏକ ଭଲ ବହି ପଢିପାରିବା , ଯାହାଫଳରେ ଆପଣ ପୁରା ଦିନର କଥା ଭୂଲିଯାଇ ସେହି ଦିଗରେ ଚିନ୍ତା କରିବା ଆରମ୍ଭ କରିବେ ।
ଧ୍ୟାନ କରନ୍ତୁ :
ଧ୍ୟାନ କେବଳ ସକାଳ ସମୟରେ କର ନାହିଁ, ବରଂ ଆପଣ କେତେବେଳେବି ଆଖି ବନ୍ଦ କରି ଧ୍ୟାନ କରିପାରିବେ । ଧ୍ୟାନ କରିବାର ଅନେକ ଫାଇଦା ମିଳିଥାଏ । ଏହି ଲାଭଗୁଡ଼ିକରୁ ସବୁଠାରୁ ଗୁରୁତ୍ୱପୂର୍ଣ୍ଣ ଲାଭ ହେଉଛି ଏହା ଆମ ମନକୁ ଶାନ୍ତ କରିଥାଏ ଏବଂ ଆମେ ଭଲ ନିଦରେ ଶୋଇପାରିଥାନ୍ତି ।
ନିଜର କେହି ସମ୍ପର୍କୀୟ କିମ୍ବା ବନ୍ଧୁଙ୍କ ସହ କଥା ହୁଅନ୍ତୁ :
ଯଦି ଆପଣଙ୍କର ନିଦ ନଆସିବାର ସମସ୍ୟା ଅଛି, ତେବେ ଆପଣ ଆପଣଙ୍କ ହନ୍ଧୁଙ୍କ ସହ କଥା ହୋଇପାରିବେ । ଯାହା ଆପଣଙ୍କୁ ମନକୁ ହାଲୁକା କରିବ ଏବଂ ଆପଣ ଶାନ୍ତିରେ ଶୋଇ ପାରିବେ ।
ଉଷୁମ କ୍ଷୀର କିମ୍ବା ପାଣି ପିଇ ଶୁଅନ୍ତୁ :
ଶୋଇବା ସମସ୍ୟାର ସମାଧାନ ପାଇଁ, ଆପଣ ଉଷୁମ କ୍ଷୀର କିମ୍ବା ଉଷୁମ ପାଣି ପିଇବା ଉଚିତ ଯାହା ଦ୍ୱାରା ଆପଣ ସହଜରେ ଶୋଇ ପାରିବେ । ଏହା ବ୍ୟତୀତ ଉଷୁମ କ୍ଷୀର କିମ୍ବା ଉଷୁମ ପାଣି ପିଇ ଶୋଇବା ଦ୍ୱାରା ଆପଣଙ୍କୁ କୋଷ୍ଠକାଠିନ୍ୟରୁ ମୁକ୍ତି ମିଳିଥାଏ ।
