ଫୁଲବାଣୀ:କନ୍ଧମାଳ ଜିଲା ଟିକାବାଲି ଥାନା ପୋଲିସ ଏକ ଡକାୟତି ଘଟଣାରେ 5 ଜଣଙ୍କୁ ଗିରଫ କରିଛି. ସେମାନଙ୍କ ଠାରୁ 20 ଗ୍ରାମ ସୁନା ଗହଣା, ଦୁଇଟି ବାଇକ ଜବତ କରାଯାଇଛି. ଗିରଫ ଡକାୟତ ହେଲେ ବ୍ରାହ୍ମଣୀଗାଁ ର ଉଦ୍ଧବ ମଲ୍ଲିକ, ଆଦମ ମାଝୀ, ରହିମ ମାଝୀ, ଦାରିଙ୍ଗିବାଡି ର କୃପାକର ମୁଖୀ ଓ ଟିକାବାଲି କଇଁଝର ର ସଞ୍ଜୟ କୁମାର ମଳିକ। ପୋଲିସ ପାଖରୁ ମିଳିଥିବା ସୁଚନା ଅନୁସାରେ ଟିକାବାଲି ଥାନା ଅନ୍ତର୍ଗତ କଇଁଝର ଗ୍ରାମର ପ୍ରଶାନ୍ତ ପାତ୍ରଙ୍କ ଘରୁ ଗତ ଏପ୍ରିଲ ୨୩ ତାରିଖ ମଧ୍ୟ ରାତ୍ରି ରେ 7 ରୁ ଉର୍ଦ୍ଧ ଡକାୟତ ଘରେ ପସି ଥିଲେ. ସେଠାରେ ଖେଳନା ବନ୍ଧୁକ ଦେଖାଇ ଭୟଭୀତ କରିବା ସହ ପ୍ରଶାନ୍ତଙ୍କୁ ମାଡ଼ ମାରି ବହୁ ସୁନା ଗହଣା , ମୋବାଇଲ, ଏକ ଟାଵଲେଟ, 60 ହଜାର ଟଙ୍କା ଲୁଟି ନେଇଥିଲେ । 24 ତାରିଖରେ ପ୍ରଶାନ୍ତ ଥାନାରେ ଏତଲା ଦେବାପରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା। ମୋବାଇଲ ଟ୍ରାକିଂ କରି ଡକାୟତଙ୍କ ପିଛା କରିବା ଆରମ୍ଭ କରିଥିଲା ପୋଲିସ। ଜଣ ଜଣ କରି ପୋଲିସ 5 ଜଣଙ୍କୁ ଗିରଫ କରିଥିଲା। ବର୍ତ୍ତମାନ ସୁଦ୍ଧା ସେମାନଙ୍କ ପାଖରୁ 20 ଗ୍ରାମ ସୁନା ଗହଣା, ଗୋଟିଏ ମୋବାଇଲ ଫୋନ, ଦୁଇଟି ବାଇକ ଜବତ କରାଯାଇଛି ବୋଲି ଥାନା ଅଧିକାରୀ ଅଜୟ କୁମାର ସ୍ୱାଇଁ ଏକ ଖବରଦାତା ସମିଳନୀରେ ସୂଚନା ଦେଇଛନ୍ତି.ଥାନାରେ 26/22ରେ ମାମଲା ରୁଜୁ ହୋଇଛି। କନ୍ଧମାଳ ଜିଲ୍ଲା ରୁ ମନୋଜ କୁମାର ସାହୁ ଙ୍କ ରିପୋର୍ଟ
