ଅଭିନେତା ଅମିର ଖାନ୍ଙ୍କ ଝିଅ ଇରା ଖାନ୍ ଚର୍ଚ୍ଚାକୁ ଆସିଛନ୍ତି। ବିଶ୍ବ ମାନସିକ ସ୍ବାସ୍ଥ୍ୟ ଦିବସରେ ସେ ନିଜର ଏକ ପୋଷ୍ଟ ସେୟାର କରି ଲେଖିଛନ୍ତି, ମୁଁ ଅବସାଦଗ୍ରସ୍ତ ଅଛି ବୋଲି ଲେଖି ସେ ଚର୍ଚ୍ଚିତ ହୋଇଥିଲେ। ଇରା କହିଥିଲେ ସେ କାହିଁକି ବିସାଦଗ୍ରସ୍ତ ହୋଇଛନ୍ତି ତାହା ସେ ଜାଣିପାରୁନାହାନ୍ତି। ତାଙ୍କ ପିତାମାତାଙ୍କ ଛାଡ଼ପତ୍ର ବି ତାଙ୍କ ଅବସାଦର କାରଣ ନୁହେଁ ବୋଲି ସେ କହିଥିଲେ।
ସେ ଏକଥା କହିଛନ୍ତି, ମୁଁ କାହିଁକି ବିସାଦଗ୍ରସ୍ତ ତାହା ମୁଁ ଆପଣମାନଙ୍କୁ କହିପାରିବି ନାହିଁ। କାରଣ ମୁଁ ବି ନିଜେ ଏହାର କାରଣ ଜାଣିନାହିଁ। ଟଙ୍କା ପଇସାକୁ ନେଇ ମୁଁ କେବେ ବି କୌଣସି ସମସ୍ୟା ସାମ୍ନା କରିନାହିଁ। ମୋ ବାପା ମା ବନ୍ଧୁ ଭଳି। ସେ ମୋର ସବୁ ଅଭାବ ପୂର୍ଣ୍ଣ କରିଛନ୍ତି। ସେ ଏକଥା ବି କହିଛନ୍ତି ମୋ ବାପା ମା’ଙ୍କର ଛାଡ଼ପତ୍ର ହୋଇଥିଲେ ହେଁ ସେ ଦୁହେଁ ଭଲ ବନ୍ଧୁ। ତେବେ ୧୪ ବର୍ଷର ଥିବା ବେଳେ ସେ ଯୌନ ଶୋଷଣର ଶିକାର ହୋଇଥିଲେ ବୋଲି କହିଛନ୍ତି।
