ନୂଆଦିଲ୍ଲୀ: ସୋସିଆଲ ମିଡିଆରେ ହାତୀକୁ ନେଇ ଏକ ଭିଡିଓ ଭାଇରାଲ ହୋଇଛି। ଏହି ଭାଇରାଲ ଭିଡିଓରେ ଦେଖିବାକୁ ମିଳୁଛି। କୌଣସି ଏକ ଜଙ୍ଗଲରେ ହାତୀ ବୁଲୁଛି। ଏହି ସମୟରେ ହାତୀ ସାମ୍ନାକୁ ଜଣେ ବିଦେଶୀ ମହିଳା ଚାଲି ଆସୁଛନ୍ତି। ଆଉ ହାତରେ କଦଳୀ କାନ୍ଦି ଧରିଛନ୍ତି। ଏଥିମଧ୍ୟରୁ ଗୋଟିଏ କଦଳୀ ହାତୀକୁ ଦେଖାଉଛି, ପୁଣି ନିଜ ଆଡକ ନେଇ ଆସୁଛନ୍ତି।
କିଛିସମୟ ହାତୀ ମହିଳାଙ୍କ ଏଭଳି କାର୍ଯ୍ୟକଳାପ ଦେଖିବା ପରେ ରାଗି ଯାଇଥିଲା। ଆଉ କେହିକିଛି ବୁଝିବା ପୂର୍ବରୁ ସେ ମହିଳାଙ୍କୁ ଶୁଣ୍ଢରେ ଉଠାଇ କଚାଡ଼ି ଦେଇଥିଲା। ମହିଳା ହାତୀର ଏଭଳି ଆକ୍ରମଣରେ କିଛି ଦୂରରେ ଯାଇ ଛିଟିକି ପଡ଼ିଥିଲେ।
ଭିଡିଓରୁ ସ୍ପଷ୍ଟ ଜଣାପଡ଼ୁଛି ହାତୀ ଅକ୍ରମଣରେ ମହିଳାଙ୍କୁ ଆଘାତ ଲାଗିଥାଇପାରେ। ତେବେ ଏହି ଭିଡିଓକୁ ଆଇଏଫଏସ ଅଧିକାରୀ ସୁଶାନ୍ତ ନନ୍ଦା ସେୟାର କରିଛନ୍ତି।
ଆଇଏଫଏସ ଭିଡିଓ ସେୟାର କରି କ୍ୟାପସନରେ ଲେଖିଛନ୍ତି,‘ଆପଣ ଏକ ହାତୀକୁ ମୁର୍ଖ ଭାବନ୍ତୁ ନାହିଁ। ହାତୀ ପୋଷା ମାନିଥାଏ। ସମସ୍ତ ପଶୁମାନଙ୍କ ଠାରୁ ହାତୀର ବୁଦ୍ଧି ପ୍ରଖର ଏହା ଜାଣି ରଖି ଥାଆନ୍ତୁ।
ଏହି ଭିଡିଓକୁ ଦେଖିବା ପରେ ସୋସିଆଲ ମିଡିଆ ବ୍ୟବହାରକାରୀ ବିଭିନ୍ନ ପ୍ରକାର ପ୍ରତିକ୍ରିୟା ଦେଇଛନ୍ତି।
