ମୁମ୍ଵାଇ ୦୪।୧୦: ନିକଟରେ ଆଦିପୁରୁଷର ଟିଜର ରିଲିଜ୍ ହୋଇସାରିଛି। ଏହି ଫିଲ୍ମର ମୁଖ୍ୟ ଭୂମିକାରେ ପ୍ରବାସ୍, କ୍ରିତି ସାନନ୍, ସୈଫ୍ ଅଲ୍ଲି ଖାନ୍, ସନ୍ନି ସିଂ ଅଛନ୍ତି। କିନ୍ତୁ ବର୍ତ୍ତମାନ ଏହାର ଟିଜରକୁ ନେଇ ନିର୍ମାତାଙ୍କୁ ଟ୍ରୋଲ୍ କରାଯାଉଛି। ସୋସିଆଲ୍ ମିଡିଆ ୟୁଜର୍ସମାନେ ଏହାର VFXରେ ଅନେକ ମିମ୍ ସେୟାର କରୁଛନ୍ତି । ଟିଜରର ଆସିବା ମାତ୍ରେ ଏହାର ସମାଲୋଚନା ମଧ୍ୟ ଆରମ୍ଭ ହୋଇଯାଇଛି। ଏବେ ସୈଫ ଅଲି ଖାନଙ୍କ ରାବଣ ରିତ୍ରକୁ ନେଇ ନା ନା ବିବାଦ ବଢିବାରେ ଲାଗିଛି। ବର୍ତ୍ତମାନ ହିନ୍ଦୁ ମହାସଭା ଏବଂ ବିଜେପି ମଧ୍ୟ ଏହି ପୁରା ବିବାଦରେ ସାମିଲ୍ ହୋଇଛନ୍ତି।
‘ଆଦିପୁରୁଷ’ କାହାଣୀଟି ରାମାୟଣ ଉପରେ ଆଧାରିତ। ଏହି ଚଳଚ୍ଚିତ୍ରରେ ସୈଫ ଅଲି ଖାନ ରାବଣ ଭୂମିକାରେ ଅଭିନୟ କରୁଛନ୍ତି। ଅଖିଲ ଭାରତ ହିନ୍ଦୁ ମହାସଭାର ଜାତୀୟ ସଭାପତି ସ୍ୱାମୀ ଚକ୍ରପାଣି ମହାରାଜ ସୈଫଙ୍କ ଲୁକକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି। ସେ କହିଛନ୍ତି ଯେ ହିନ୍ଦୁ ଧର୍ମର ପୌରାଣିକ ଚରିତ୍ର ଗୁଡ଼ିକ ସହିତ ଟାମ୍ପରିଂକୁ ବରଦାସ୍ତ କରାଯିବ ନାହିଁ। ସୈଫ ଅଲ୍ଲୀ ଖାନଙ୍କୁ ଦକ୍ଷିଣ ଭାରତୀୟ ଚଳଚ୍ଚିତ୍ର ଆଧାର ପୁରଙ୍କ ଭୂମିକାରେ ଚିତ୍ରଣ କରାଯାଇଛି, ଲଙ୍କାପତୀ ରାବଣ, ପ୍ରଭୁ ଶିବଙ୍କର ଏକ ବିଶେଷ ଭକ୍ତ, ଯେପରି ଜଣେ ଇସଲାମୀୟ ଆତଙ୍କବାଦୀ ଖିଲଜୀ କିମ୍ବା ଔରଙ୍ଗଜେବଙ୍କ ଭଳି କାହିଁକି ତାଙ୍କ ମଥା ତିଲକ ନାହିଁ। ଆମର ପୁରାଣ ଚରିତ୍ର ଗୁଡ଼ିକ ସହିତ ଖେଳିବା ସହ୍ୟ କରାଯାଇପାରିବ ନାହିଁ ।
ବିଜେପି ମୁଖପାତ୍ର ମାଲଭିକା ଅବିନାଶ ମଧ୍ୟ ରାବଣଙ୍କ ଲୁକକୁ ନେଇ ବିରୋଧ କରିଛନ୍ତି। ଏକ ପୋଷ୍ଟ ସେୟାର କରି ସେ କହିଛନ୍ତି, ‘ଲଙ୍କାର ବାସିନ୍ଦା ରାବଣ ଜଣେ ଶିବ ଭକ୍ତ ଥିଲେ, ଯିଏ ୬୪କଳା ଶିକ୍ଷା କରିଥିଲେ। ବଲିଉଡ ଆମର ରାମାୟଣ ଇତିହାସକୁ ଭୁଲ ଉପସ୍ଥାପନ କରୁଛି । ଏହା ବନ୍ଦ କରିବା ଉଚିତ୍ । କହିବାକୁ ଗଲେ ‘ଆଦିପୁରୁଷ’ – ୧୨ ଜାନୁଆରୀ ୨୦୨୩ରେ ମୁକ୍ତିଲାଭ କରିବ। ଫିଲ୍ମର ବଜେଟ୍ ପ୍ରାୟତଃ ୫୦୦ କୋଟି ବୋଲି କୁହାଯାଉଛି। କିନ୍ତୁ ବର୍ତ୍ତମାନ ଏହାର ଟିଜର ଦେଖି ପ୍ରଶଂସକମାନେ କାର୍ଟୁନ୍ ଚଳଚ୍ଚିତ୍ର ପରି VFX କୁ ତୁଳନା କହୁଛନ୍ତି ।
