ନୂଆଦିଲ୍ଲୀ ୧୯/୦୭: ଜ୍ୟୋତିଷ ଶାସ୍ତ୍ର ଅନୁଯାୟୀ, ଜୁଲାଇ ୧୬ ଶୁକ୍ରବାର ଦିନ ସୂର୍ଯ୍ୟ କର୍କଟ ରାଶିରେ ପ୍ରବେଶ କରିବା ମାତ୍ରେ ସୂର୍ଯ୍ୟ ଏବଂ ବୁଧ ଗ୍ରହର ସଂଯୋଗ ସମାପ୍ତ ହୋଇଛି ଏବଂ ଏହା ସହିତ ବୁଦ୍ଧାଦିତ୍ୟ ନାମକ ଶୁଭ ଯୋଗ ମଧ୍ୟ ଶେଷ ହୋଇଛି । ବର୍ତ୍ତମାନ ସୂର୍ଯ୍ୟ ଅଗଷ୍ଟ ୧୭ ପର୍ଯ୍ୟନ୍ତ କର୍କଟ ରାଶିରେ ବସିବେ । ସୂର୍ଯ୍ୟ କର୍କଟ ରୋଶିରେ ପ୍ରବେଶ କରିବା ମାତ୍ରେ ଶନିଙ୍କ ଦୃଷ୍ଟି ସୂର୍ଯ୍ୟଙ୍କ ଉପରେ ପଡୁଛି । ଯେଉଁଥିପାଇଁ ସମସପ୍ତକ ନାମକ ଏକ ଅଶୁଭ ଯୋଗ ସୃଷ୍ଟି ହୋଇଛି । ଏହି ସମସପ୍ତକ ଅଶୁଭ ଯୋଗ ଆପଣଙ୍କ ବ୍ୟକ୍ତିଗତ ଜୀବନ ଉପରେ ତଥା ଦେଶ ଦୁନିଆର କାର୍ଯ୍ୟକଳାପ ଉପରେ ନକାରାତ୍ମକ ପ୍ରଭାବ ପକାଇବ । ଆସନ୍ତୁ ଜାଣିବା ସମସପ୍ତକ ଯୋଗ ଏବଂ ଏହାର ପ୍ରଭାବ ବିଷୟରେ…
ସମସପ୍ତକ ଯୋଗ :
ପୁରାଣ ଅନୁଯାୟୀ ଶନି ଦେବ ସୂର୍ଯ୍ୟ ଭଗବାନଙ୍କ ପୁତ୍ର । ଉଭୟଙ୍କ ମଧ୍ୟରେ ସବୁବେଳେ ପାର୍ଥକ୍ୟ ରହିଥାଏ । ତେଣୁ, ଜ୍ୟୋତିଷ ଶାସ୍ତ୍ରରେ ମଧ୍ୟ ଏହି ଦୁଇଟି ଗ୍ରହ ପରସ୍ପର ପାଇଁ ଅନୁକୂଳ ବିବେଚନା କରାଯାଏ ନାହିଁ । ଯେତେବେଳେ ସୂର୍ଯ୍ୟ ଏବଂ ଶନି ପରସ୍ପରର ମୁହାଁମୁହିଁ ହୁଅନ୍ତି, ଅମଙ୍ଗଳ ଏବଂ ଅଶୁଭ ଯୋଗ ସୃଷ୍ଟି ହୋଇଥାଏ । ସେଥିମଧ୍ୟରୁ ଗୋଟିଏ ହେଉଛି ସମସପ୍ତକ ଯୋଗ । ସମସପ୍ତକ ନାମକ ଏହି ଅଶୁଭ ଯୋଗ ଗଠନ ହେତୁ ବ୍ୟକ୍ତିର ଜୀବନରେ ଅଶାନ୍ତି ହେବାର ସମ୍ଭାବନା ରହିଥାଏ ।
ସମସପ୍ତକ ଯୋଗର ପ୍ରଭାବ :
ଜ୍ୟୋତିଷ ଶାସ୍ତ୍ର ଅନୁଯାୟୀ, ସୂର୍ଯ୍ୟ ଏବଂ ଶନିଙ୍କ ଦ୍ୱାରା ଗଠିତ ସମସପ୍ତକ ଯୋଗକୁ ଅଶୁଭ ବୋଲି ବିବେଚନା କରାଯାଏ। ଏହି ଅଶୁଭ ଯୋଗ ସମୟରେ, ଆମ ବ୍ୟକ୍ତିଗତ ଜୀବନରେ ଏବଂ ସର୍ବଭାରତୀୟ ସ୍ତରରେ ଅବାଞ୍ଛିତ ପରିବର୍ତ୍ତନ ଘଟିଥାଏ । ଏହା ଆପଣଙ୍କ ବ୍ୟକ୍ତିଙ୍କ ଜୀବନରେ ମାନସିକ ଅସନ୍ତୋଷ, ଚିନ୍ତା ଏବଂ ଭୟର ବାତାବରଣ ସୃଷ୍ଟି କରିଥାଏ । ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ । ପରିବାରରେ ଅସନ୍ତୋଷ ଏବଂ ଶତ୍ରୁତାର ଭାବନା ଉତ୍ପନ ହୋଇଥାଏ । ସମସପ୍ତକ ଯୋଗ ହେତୁ ଦେଶରେ ତଥା ବିଶ୍ୱରେ ରାଜନୈତିକ ଅସ୍ଥିରତା ଏବଂ ପାଣିପାଗ କିମ୍ବା ପରିବେଶ ଅନିୟମିତତା ଦେଖାଦେଇଥାଏ ।
ସମସପ୍ତକ ଯୋଗର ପ୍ରଭାବକୁ ଏଡାଇବା ପାଇଁ ଶନି ଦେବଙ୍କ ପୂଜା କରାଯିବା ଉଚିତ ଏବଂ ଶନିବାର ଦିନ ଓସ୍ତ ଗଛ ତଳେ ସୋରିଷ ତେଲର ପ୍ରଦୀପ ଜାଳିବା ଉଚିତ ।
