ବାଲିଗୁଡ଼ା ୨୩।୦୭ : କନ୍ଧମାଳ ଜିଲ୍ଲା ବାଲିଗୁଡାର ସୂଚନାଅଧିକାର କର୍ମୀ ତଥା ବାଟlଗୁଡ଼ା ପଞ୍ଚାୟତର ପୂର୍ବତନ ସରପଞ୍ଚ ଅଭିମନ୍ୟୁ ପଣ୍ଡା ହତ୍ୟା ଘଟଣାର ଆକ୍ସନ । ମାମଲାରେ ମୋଷ୍ଟ ୱାଣ୍ଟେଡ କୁହାଯାଉଥିବା ବବୁଲୁ ମୁନୀ ଗିରଫ । ଗଞ୍ଜାମ ଜିଲ୍ଲା ଆସ୍କା ଅଞ୍ଚଳରୁ ବବୁଲୁକୁ ଗିରଫ କରି କୋର୍ଟ ଚାଲାଣ କରିଛି ବାଲିଗୁଡା ପୋଲିସ l
ଖବର ଅନୁଯାୟୀ, ୨୦୧୯ ଡିସେମ୍ବର ୧୦ ତାରିଖ ଦିନ ସକାଳ ୮ଟାରେ ଅଭିମନ୍ୟୁ ବାଲିଗୁଡା ପାତ୍ର ସାହିସ୍ଥିତ ନିଜ ଘରେ ଥିବା ବେଳେ ୨ ଜଣ ଯୁବକ ଆସି ତାଙ୍କୁ ଡାକିଥିଲେ । ସେ ବାହାରକୁ ଆସିବା ପରେ ଯୁବକଙ୍କ ସହ କୌଣସି କଥାରୁ ପ୍ରବଳ ଯୁକ୍ତିତର୍କ ହୋଇଥିଲା । ଉତ୍କ୍ଷିପ୍ତ ଯୁବକ ଦ୍ୱୟ ଅଭିମନ୍ୟୁଙ୍କୁ ଗୁଳି ମାଡ଼ କରି ଚମ୍ପଟ ମାରିଥିଲେ । ପରିବାର ଲୋକ ଅଭିମନ୍ୟୁଙ୍କୁ ଡାକ୍ତରଖାନା ନେଇଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରିବାର ଲୋକଙ୍କ ଅଭିଯୋଗ କ୍ରମେ ପୁଲିସ ମାମଲା ରୁଜୁ କରି ତଦନ୍ତ କରିଥିଲା । କିଛି ଦିନ ମଧ୍ୟରେ ପୁଲିସ ୫ ଜଣ ଅଭିଯୁକ୍ତଙ୍କୁ ଗିରଫ କରିଥିଲେ ହେଁ ବବ୍ଲୁ ଫେରାର ଥିଲା । ଶେଷରେ ଶୁକ୍ରବାର ଦିନ ମୋଷ୍ଟ ଓ୍ୱେଣ୍ଡଡ ବବୁଲୁକୁ ଗଞ୍ଜାମ ଜିଲ୍ଲା ଆସ୍କା ଅଞ୍ଚଳରୁ ଗିରଫ କରାଯାଇଛି । ଗିରଫ ପରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ସୂଚନା ଦେଇଛନ୍ତି ବାଲିଗୁଡା ଥାନା ଅଧିକାରି ବାବା ଶଙ୍କର ସରାଫ ।
