ରାଇରଙ୍ଗପୁର: ମୟୂରଭଂଜ ଜିଲ୍ଲା ବାମନଘାଟି ଉପଖଣ୍ଡ ବଡଝରଣ ଗ୍ରାମପଞ୍ଚାୟତ ଜୁଡ଼ିଆ ଗ୍ରାମର ଖଡ଼ିଆସାହିରେ ସହିଦ ନୁଦୁରାମ ସୋରେନ ମେମୋରିଆଲ ଟ୍ରଷ୍ଟ ରାଇରଙ୍ଗପୁର ଆନୁକୁଲ୍ୟରେ ଖଡ଼ିଆସାହିବାସୀଙ୍କୁ କମ୍ବଳ ବଣ୍ଟନ କରାଯାଇଅଛି।
ଟ୍ରଷ୍ଟ ପ୍ରମୁଖ ମନୋରଞ୍ଜନ ହାଁସଦାଙ୍କ ମାର୍ଗଦର୍ଶନରେ ଆୟୋଜିତ ଏହି ବଣ୍ଟନ କାର୍ଯ୍ୟକ୍ରମରେ ମୋଚିରାମ ମାଝୀ, ବିଜୟ ରାମ, ଜାମସେଦପୁରର ଅଭୟ ଚୌବେ, ଅମିତ ରାଜ ସିଂହ, ପ୍ରତାପ ଚନ୍ଦ୍ର ହେମ୍ଭ୍ରମ, ମେଜର ମହେନ୍ଦ୍ର ମହାନ୍ତ, ପ୍ରଦୀପ ମହାନ୍ତ, ଗୌରାଙ୍ଗ ଗିରି, ନୁଆଚାନ୍ଦ ମହାନ୍ତ, ଭାଗବତ ହେମ୍ଭ୍ରମ, ଲଧିଆ ଦେହୁରୀ, ରଣୁ ଦେହୁରୀ, ରଇବାରି ମାଝି, ଚୈତନ୍ୟ ଦେହୁରୀ, କୁଆଁର ଦେହୁରୀ, ଦୁର୍ଗା ମାଝି, ବାଜିନାଥ ମାଝି ଓ ଗ୍ରାମବାସୀଙ୍କୁ ସମସ୍ତ ଉପସ୍ଥିତ ଅତିଥିମାନଙ୍କ ଦ୍ବାରା କମ୍ବଳ ଏବଂ କୁନି କୁନି ଛୁଆମାନଙ୍କୁ ବିସ୍କୁଟ, ଚକଲେଟ, କୁରକୁରେ ଇତ୍ୟାଦି ବଣ୍ଟନ କରାଯାଇଥିଲା। ବିଜୟ ରାମଙ୍କ ସଭାପତିତ୍ବରେ ଆୟୋଜିତ ବୈଠକରେ ଅତିଥିମାନେ ତାଙ୍କର ଭାବ ପ୍ରକାଶ କରିଥିଲେ। ମନୋରଞ୍ଜନ ହାଁସଦା ସହିଦ ନୁଦୁରାମ ସୋରେନ ମେମୋରିଆଲ ଟ୍ରଷ୍ଟର ଆଭିମୁଖ୍ୟ ବିଷୟରେ ଆଲୋକପାତ କରିଥିଲେ ଏବଂ ଛୋଟ ଛୋଟପିଲାଙ୍କ ଭବିଷ୍ୟତ ଗଠନ ନିମନ୍ତେ ଶିକ୍ଷା ପାଇଁ ସହଯୋଗର ଆଶ୍ବାସନ ଦେଇଥିଲେ। ମେଜର ମହେନ୍ଦ୍ର ମହାନ୍ତ ଗ୍ରାମବାସୀଙ୍କୁ ଗଲୱାନ ଘାଟିର ବୀର ସହିଦ ନୁଦୁରାମ ସୋରେନଙ୍କ କାହାଣୀ କହିଥିଲେ। ଶେଷରେ ମୋଚିରାମ ମାଝୀ ଧନ୍ୟବାଦ ଅର୍ପଣ କରିଥିଲେ।
