ସଚିନଙ୍କ ପୁଅ ଧୋନି: ଶିକ୍ଷକତା ପାଇଁ ଆବେଦନ

ନୂଆଦିଲ୍ଲୀ : ଛତିଶଗଡ଼ରୁ ଏକ ବିଚିତ୍ର ଖବର ମିଳିଛି। ରାଜ୍ୟରେ ଚାଲିଥିବା ୧୪,୮୫୦ ଜଣ ଶିକ୍ଷକ ପଦବି ନିଯୁକ୍ତି ପ୍ରକ୍ରିୟାକୁ ନେଇ ଅସନ୍ତୋଷ ଦେଖା ଦେଇଥିବା ବେଳେ ଏକ ନକଲି ଆବେଦନ ପତ୍ର ଚର୍ଚ୍ଚାର କେନ୍ଦ୍ରରେ ରହିଛି। ଜଣେ ଆବେଦନକାରୀ ନିଜ ନାମ ମହେନ୍ଦ୍ର ସିଂହ ଧୋନି ଏବଂ ପିତାଙ୍କ ନାମ ସଚିନ ତେନ୍ଦୁଲକର ଲେଖିଛନ୍ତି। ରାଇପୁରରେ ଶିକ୍ଷକ ପଦ ପାଇଁ ସେ ଆବେଦନ କରିଛନ୍ତି। ତାଙ୍କୁ ସାକ୍ଷାତକାର ପାଇଁ ଡକାଯାଇଥିଲେ ମଧ୍ୟ ସେ ନଆସିବା ଫଳରେ ଏହା ନକଲି ଆବଦେନ ଥିବା ଜଣାପଡ଼ିଥିଲା। ଏଥିରେ ଧୋନି ଦୁର୍ଗର ସିଏସଭିଟିୟୁ ବିଶ୍ବବିଦ୍ୟାଳୟରୁ ଇଂଜିନିୟରିଂରେ ଡିଗ୍ରି କରିଥିବା ଉଲ୍ଲେଖ କରାଯାଇଛି। ନକଲି ଜାଣିବା ପରେ ସମ୍ପୃକ୍ତ ଆବେଦନକାରୀଙ୍କ ନାମରେ ମାମଲା କରିବାକୁ କର୍ତ୍ତୃପକ୍ଷ ନିଷ୍ପତ୍ତି‌ ନେଇଛନ୍ତି।