କ୍ରିକେଟ ଷ୍ଟାଡିୟମରେ ଚାଲିଥିଲା ପ୍ରାକ୍ଟିସ । ଆନ୍ଦ୍ରେ ରସେଲ, ତାମିମ ଇକବାଲଙ୍କ ଭଳି ବଡ ବଡ ଖେଳାଳି ମୈଦାନରେ ପ୍ରାକ୍ଟିସ କରୁଥିଲେ । ଆଉ ଏହି ସମୟରେ ହଠାତ ମୈଦାନରେ ଲ୍ୟାଣ୍ଡ କଲା ହେଲିକପ୍ଟର । ଆଉ ହେଲିକପ୍ଟରକୁ ଦେଖି ଧୂଳିରୁ ବଞ୍ଚିବା ପାଇଁ ଖେଳାଳିମାନେ ଦୂରକୁ ଦୌଡିବାକୁ ଲାଗିଲେ । ଏହି ଘଟଣା ବାଂଲାଦେଶର ଚଟ୍ଟଗ୍ରାମ ଏମଏ ଅଜିଜ ଷ୍ଟାଡିୟମରେ ହୋଇଛି । ବିପିଏଲ ପାଇଁ ଏଠାରେ ପ୍ରାକ୍ଟିସ କରୁଥିଲେ ମିନିଷ୍ଟର ଗ୍ରୁପ ଢାକାର ଖେଳାଳିମାନେ ।
ଯେତେବେଳେ ହେଲିକପ୍ଟର ଷ୍ଟାଡିୟମରେ ଲ୍ୟାଣ୍ଡ କଲା ସେତେବେଳେ ଆନ୍ଦ୍ରେ ରସେଲ, ତାମିମ ଇକବାଲ, ମଶରଫେ ମୁର୍ତାଜ ପ୍ରାକ୍ଟିସ କରୁଥିଲେ । ଆଗାମୀ ମ୍ୟାଚ ପାଇଁ ଦଳ ପ୍ରାକ୍ସିସ କରୁଖିବା ବେଳେ ଏଭଳି ଘଟଣା ଘଟିଥିଲା । ଖେଳାଳିଙ୍କ ଅଜାଣତରେ ହେଲିକପ୍ଟର ଲାଣ୍ଡ କରିବାରୁ ସେମାନେ ଡରିଯାଇଥିଲେ । ଆଉ ଏଣେ ତେଣେ ଦୌଡିଥିଲେ ।
ସୂଚନା ଅନୁସାରେ ଏହି ହେଲିକପ୍ଟରଟିକୁ ଏୟାର ଆମ୍ବୁଲାନ୍ସ ଭାବେ ବ୍ୟବହାର କରାଯାଇଥିଲା । ଜଣେ ଗୁରୁତର ରୋଗୀଙ୍କୁ ଏୟାର ଲିଫ୍ଟ କରିବା ପାଇଁ ହେଲିକପ୍ଟରୁ ଷ୍ଟାଡିୟମରେ ଓହ୍ଲାଇବାକୁ ପଡିଥିଲା । ଏଥିପାଇଁ କମିଶନରଙ୍କଠାରୁ ମଞ୍ଜୁରୀ ମଧ୍ୟ ମିଳିଥିଲା । ଆଉ ଜିଲ୍ଲା ସ୍ପୋର୍ଟସ ଆସୋସିଏସନଙ୍କଠାରୁ ମଧ୍ୟ ଏଥିପାଇଁ ଅନୁମତି ନିଆଯାଇଥିଲା । ହେଲେ ଏହାପରେ ବି ଖେଳାଳିମାନେ ଏଥିପ୍ରତି ଅଜଣା ରହିଥିଲେ ।
