ଚଣ୍ଡୀଖୋଲ ୧୮/୧୧: କଟକ ଯାଜପୁର ଜିଲ୍ଲା ବାଲିଚନ୍ଦ୍ର ପୁର ନିକଟସ୍ଥ ନଡ଼ିଆ ସାହସପୁର ଗାଦି ଗୋପାଳ ଦାସ ମଠରେ ପ୍ରଥମାଷ୍ଟମୀରୁ ନେଇ ୯ ଦିନଧରି ଚାଲି ଥିଲା ଭାଗବତ ସପ୍ତାହ ଉତ୍ସବ। ଏହି ମଠକୁ ଆଖ ପାଖରୁ ୨୦ ଗୋଟି ଜଗନ୍ନାଥ ବଲ୍ଲଭ ବିମାନଙ୍କୁ ବିଭିନ୍ନ ପାରମ୍ପରିକ ବାଦ୍ୟ ଓ ସଙ୍କୀର୍ତ୍ତନରେ ବିଜେ କରିଥାଆନ୍ତି ।
ଏହି ନବମ ଦିନରେ ଗ୍ରାମରେ ଗ୍ରାମବାସୀ ମାନେ ଆମିଷ ଭକ୍ଷଣ କରନ୍ତି ନାହିଁ । ସମସ୍ତଙ୍କ ଘରୁ ପ୍ରତ୍ୟହ ସନ୍ଧ୍ୟାରେ ବିଭିନ୍ନ ଫଳମୂଳ ଆଣିଥାନ୍ତି ଜିଉଙ୍କ ଭୋଗ ଲାଗି ପାଇଁ । ବିଶେଷ କରି ଗ୍ରାମରେ ଏହି ଉତ୍ସବ ନବ ଦିନ ଧରି ହେଉ ଥିବାରୁ ସମସ୍ତଙ୍କ ଘରେ ବନ୍ଧୁ ଓ ପରିଜନଙ୍କର ଆଶାର ଜମି ଥିବା ବେଳେ ପିଠା ପଣା ବିଭିନ୍ନ ଖାଦ୍ୟ ପଦାର୍ଥ ଭକ୍ଷଣ କରିଥାନ୍ତି ।
ବିଶେଷ କରି ପ୍ରଥା ଅଛି ଯେଉଁମାନଙ୍କ ପରିବାରରେ ବିପଦ ବା ଅସାଧ୍ୟ ରୋଗରେ ପୀଡିତ ଓ ମେଡିକାଲରେ ଆରୋଗ୍ୟ ହୋଇଥାଏ । ସେମାନେ ପୀଠ ଗୋସାଇଁ ନିକଟରେ ଧଣ୍ଡା ଓ ପାଦୁକ ପାଇ ୨୧ ଦିନ ଧାରଣାରେ ରହିଲେ ଆରୋଗ୍ୟ ହେଉଥିବାର ବିଶ୍ଵାସ ରହିଛି । ବିଶେଷ କରି ସନ୍ଧ୍ୟା ସମୟରେ ଗାଦି ଗୋସାଇଁ ମଠ ପରିସରରେ ଶ୍ରୀ ଜଗନ୍ନାଥ ମହାପ୍ରଭୁଙ୍କୁ ଦିବ୍ୟ ଆଳତି ନୀତି କରାଯାଇଥାଏ। ଏହି ଆଳତି ଦର୍ଶନ ଲାଗି ହଜାର ହାଜର ଭକ୍ତ ଉପସ୍ଥିତ ହୋଇ କୃପଭିକ୍ଷା ଲାଭ କରିଥାନ୍ତି ।
