ନୂଆଦିଲ୍ଲୀ, ୧୯।୦୨ : ଭାରତୀୟ ଦଳର ପୂର୍ବତନ ଅଧିନାୟକ ବିରାଟ କୋହଲି ଓ୍ୱେଷ୍ଟ ଇଣ୍ଡିଜ ବିପକ୍ଷ ଦ୍ୱିତୀୟ ଟି୨୦ରେ ଦମଦାର ପାଳି ଖେଳିଥିଲେ । ସେ ଅର୍ଦ୍ଧଶତକ ମଧ୍ୟହାସଲ କରିଥିଲେ । ଖରାପ ଫର୍ମ ପାଇଁ ସମାଲୋଚନାର ଶିକାର ହେଉଥିବା ରନ୍ ମେସିନ୍ ବ୍ୟାଟରେ ଜବାବ ଦେଇଥିଲେ । ଏହା ତାଙ୍କ କ୍ୟାରିଅରର ୩୦ତମ ଟି୨୦ ଅର୍ଦ୍ଧଶତକ ଥିଲା ।
ମୁକାବିଲାରେ ବିରାଟ ୪୧ ବଲରୁ ୫୨ ରନ୍ କରିଥିଲେ । ଏହି ପାଳିରେ ସେ ୭ ଚଉକା ଓ ଗୋଟିଏ ଛକ୍କା ଲଗାଇଥିଲେ । ମ୍ୟାଚ୍ ଜିତିବା ପରେ କୋହଲିଙ୍କୁ ଏବାବଦରେ ପ୍ରଶ୍ନ କରାଯାଇଥିଲା । ସେ ଉତ୍ତର ରଖି କହିଥିଲେ ଯେ, ଭିନ୍ନ ଭିନ୍ନ ଅନ୍ଦାଜରେ ବ୍ୟାଟିଂ କରିବାକୁ ସୁଯୋଗ ମିଳିଲା । ସେ ସକରାତ୍ମକ ଭାବନା ସହ ମ୍ୟାଚକୁ ଓହ୍ଲାଇଥିଲେ । ଦଳ କିଛି ଓ୍ୱିକେଟ୍ ହରାଇଥିଲା । କିନ୍ତୁ ସେ ପଜିଟିଭ୍ ରହିଥିଲେ । ନିଜେ ସେଟ୍ ହୋଇ ଆଉଟ୍ ହେବା ତାଙ୍କୁ ଖରାପ ଲାଗିଥିଲା । ଶେଷ ୪ରୁ ୫ ଓଭରରେ ସେ ହିଟିଂ ମୁଡରେ ଥିଲେ ।
ସେ ଆହୁରି ମଧ୍ୟ କହିଥିଲେ ଯେ, ଭଲ ଖେଳିବେ ବୋଲି ସେ ଭାବି ଷ୍ଟାଡିୟମକୁ ଯାଇଥିଲେ । କେମିତି ଖେଳିବେ ସେ ଖାବି ନଥିଲେ । ରିସ୍କ ନେଇନଥିଲେ । ନିଜ ଅନ୍ଦାଜରେ ସେ ଖେଳିଥିଲେ । ଷ୍ଟାଡିୟମରେ ଉପସ୍ଥିତ କିଛି ବ୍ୟକ୍ତି ବହୁତ ସାହାଯ୍ୟ କରିଥାନ୍ତି । ବାତାବରଣ ଅନୁକୂଳ ନଥିଲେ ବି ଭଲ ଖେଳିବାକୁ ପଡେ । ତେବେ ଦଳ ୧୮୦ ରନ୍ କରିବ ବୋଲି ଭାବିଥିଲା । ଯାହା ସଫଳ ହୋଇଥିଲା । ଏହାସହ ଋଷଭ ପନ୍ତ ଓ ଭେଙ୍କଟେଶ ଆୟରଙ୍କୁ ମଧ୍ୟ ପ୍ରଶଂସା କରିଛନ୍ତି ରନ୍ ମେସିନ୍ ।
