କଟକ ୧୬/୦୭: କଟକ ଖପୁରିଆରେ ବଡ ଧରଣର ଅଗ୍ନିକାଣ୍ଡ । ରୁଚି ଫ୍ୟାକ୍ଟ୍ରିରେ ବଡ ଧରଣର ଅଗ୍ନିକାଣ୍ଡ ହୋଇଛି । ପ୍ରାୟ ବିଳମ୍ୱିତ ରାତିରେ ଏହି ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି । ପାସ୍ତା ୟୁନିଟରେ ଆଜି ଭୋର ଚାରିଟା ସମୟରେ ହଠାତ ନିଆଁ ଲାଗିଯାଇଥିଲା ।
ଖବର ପାଇ ଅଗ୍ନିଶମର ତିନୋଟି ଦମକଳ ଗାଡି ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ବର୍ତ୍ତମାନ ଯାହା ସୂଚନା ମିଳିଛି ନିଆଁ ଆୟତ୍ତ ହୋଇଛି । ତେବେ ଅଗ୍ନିକାଣ୍ଡର କାରଣ କଣ ଅସ୍ପଷ୍ଟ ଥିବାବେଳେ ସର୍ଟ ସର୍କିଟରୁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି । ଏହାସହ ଅଗ୍ନିକାଣ୍ଡରେ କେତେ କ୍ଷୟକ୍ଷତି ହୋଇଛି ତାହା ଜଣାପଡିନି ।
