ନୂଆଦିଲ୍ଲୀ ୧୪।୦୨: ଫେବୃଆରୀ ମାସକୁ ପ୍ରେମ ମାସ ମଧ୍ୟ କୁହାଯାଏ । ଏହି ମାସରେ ଅନେକ ଲୋକ ସେମାନଙ୍କର ନୂଆ ସମ୍ପର୍କ ମଧ୍ୟ ଆରମ୍ଭ କରନ୍ତି । ଖାସ କରି ପ୍ରେମୀ ଯୁଗଳମାନେ ଧ୍ୟ ଏହି ମାସରେ ୧୪ ଫେବୃଆରୀରେ ବିବାହ କରିବାକୁ ପସନ୍ଦ କରନ୍ତି। ସେହିଭଳି ମନ୍ଦିରା ବେଦୀ ଓ ରାଜ କୌଶଲ ମଧ୍ୟ ଫେବୃଆରୀ ୧୪ରେ ବିବାହ କରିଥିଲେ। କିନ୍ତୁ ରାଜ୍ ଆଜିକା ଦିନରେ ଦୁନିଆରେ ନାହାନ୍ତି । ଗତବର୍ଷ ରାଜ୍ ତଥା ମନ୍ଦିରାଙ୍କ ସ୍ବାମୀଙ୍କର ଦେହାନ୍ତ ହୋଇଥିଲା । ଏହି ଦୁଃଖଦ ଘଟଣା ପରେ ମନ୍ଦିରା ଭାଙ୍ଗି ଯାଇଥିଲେ । ହେଲେ ସମୟକ୍ରମେ ନିଜକୁ ମଜବୁତ୍ କରି ମନ୍ଦିରା ଏକା ପିଲାମାନଙ୍କର ଯତ୍ନ ନେଉଛନ୍ତି। ଆଜି ଯଦି ରାଜ ଏହି ଦୁନିଆରେ ଥାଆନ୍ତେ, ତେବେ ମନ୍ଦିରା ତାଙ୍କର ୨୩ତମ ବିବାହ ବାର୍ଷିକୀ ପାଳିଥାନ୍ତେ ।
ତେବେ ମନ୍ଦିରା ତାଙ୍କ ବିବାହର ଏକ ଫଟୋ ସେୟାର କରି ସ୍ୱାମୀଙ୍କୁ ମନେ ପକାଇ ଏକ ଭାବପ୍ରବଣ ପୋଷ୍ଟ ଲେଖିଛନ୍ତି , ‘ଆଜି ଆମର ୨୩ତମ ବିବାହ ବାର୍ଷିକୀ ହୋଇଥାନ୍ତା। ଏହା ସହ ମନ୍ଦିରା ଭାଲେଣ୍ଟାଇନ୍ସ ଡେ ହ୍ୟାସଟ୍ୟାଗ୍ ଦେଇ ଏକ ଭଙ୍ଗା ହୃଦୟର ଇମୋଜି ସେୟାର କରିଛନ୍ତି ।
ରାଜ କୌଶଲ ମନ୍ଦିରାଙ୍କର ୨ସନ୍ତାନ ରହିଛି । ଉଭୟ ୧୯୯୯ ମସିହାରେ ବିବାହ କରିଥିଲେ। ଏକ ସାକ୍ଷାତକାରରେ ରାଜ କହିଥିଲେ ଯେ ଯେତେବେଳେ ମୁଁ ପ୍ରଥମ ଥର ପାଇଁ ମନ୍ଦିରାଙ୍କ ପିତାମାତାଙ୍କୁ ଭେଟିଥିଲି, ସେମାନେ ରାଗି ଯାଇଥିଲେ । ହେଲେ ବହୁ ସମୟ ମନାଇବା ପରେ ସେମାନେ ବିବାହରେ ରାଜି ହୋଇଥିଲେ।
