ବିଉଟି ବ୍ଲଗରେ ଜଣେ ମଡେଲ ଓଠ ରେ ଲିପଷ୍ଟିକ ବଦଳରେ ମେହେନ୍ଦୀ ଲଗାଉଥିବା ଏକ ଭିଡିଓ ସୋସିଆଲ ମେଡିଆରେ ଭାଇରାଲ ହେଉଛି । ସିଏ ନିଜର ଓଠ କୁ ନାଲି କରିବା ପାଇଁ ମେହେନ୍ଦୀ ର ବ୍ୟବହାର କରିଛନ୍ତି । ଚିକାଗୋ ସହର ର ବ୍ରିଆନ ଚିଷ୍ଟିଆନ୍ସ୍ ଙ୍କ ଦ୍ଵାରା ମେହେନ୍ଦୀ ର ଏଭଳି ବ୍ୟବହାର କୁ ଦେଖି ଟ୍ଵିଟରରେ ୟୁଜର୍ସମାନେ ଆଶ୍ଚର୍ଯ୍ୟ ହୋଇଯାଇଛନ୍ତି ।
ସାଧାରଣତଃ ମେହେନ୍ଦୀ ଏକ ପ୍ରାକୃତିକ ଉପାଦାନ । ଯାହାକୁ ହାତ, ପାଦ ଓ କେଶ କୁ ରଙ୍ଗୀନ କରିବାରେ ବ୍ୟବହାର କରାଯାଇଥାଏ। ପ୍ରଥମ ଥର ପାଇଁ ଏହି ଭିଡିଓ ରେ ଜଣେ ମହିଳା ନିଜ ଓଠ ରେ ଲିପଷ୍ଟିକ ବଦଳରେ ମେହେନ୍ଦୀ ଲଗାଇ ଥିବାର ଦୃଶ୍ୟ ନଜରକୁ ଆସିଛି । ଏହି ଭାଇରାଲ ଭିଡିଓରେ ଦେଖିବାକୁ ମିଳୁଛି, ମହିଳା ଜଣଙ୍କ ପ୍ରଥମେ ଏକ ବ୍ରଶ ଦ୍ଵାରା ନିଜ ଓଠରେ ମେହେନ୍ଦୀ ଲଗାଇ ୧ ଘଣ୍ଟା ରଖିବା ପରେ କାଢିଦେଲେ। ଯାହା ପରେ ମହିଳାଙ୍କ ଓଠ ନାଲି ଦେଖାଯାଇଥିଲା ।
ଗତ ମାସରେ ଏହା ଟିକଟକରେ ପ୍ରସାରିତ ହେଇଥିଲା । କିନ୍ତୁ ପରବର୍ତ୍ତୀ ସମୟରେ ଟୁଇଟର ରେ ଏହାର ଲୋକପ୍ରିୟତା ବଢିଥିଲା । ସୋସିଆଲ ମିଡିଆରେ ଏହାକୁ ନେଇ ୟୁଜର୍ସମାନେ ବିଭିନ୍ନ କମେଣ୍ଟ କରୁଥିବା ନଜର ଆସିଛି ।
