ନୂଆଦିଲ୍ଲୀ: ହାଇଦ୍ରାବାଦ ସାଂସଦ ତଥା ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱେସି କହିଛନ୍ତି ଯେ ସେମାନେ ମୁସଲମାନମାନେ ଗୋଟିଏ ମସଜିଦ ହରାଇଛନ୍ତି କିନ୍ତୁ ସେମାନେ ଏବେ ଆଉ ଏକ ମସଜିଦ ହରାଇବେ ନାହିଁ। ସୋମବାର (ଫେବ୍ରୁଆରି ୨୬, ୨୦୨୪) ସେ ଏକ୍ସ ହ୍ୟାଣ୍ଡେଲ ଜରିଆରେ ଏକ ଭିଡିଓ ଜାର କରି ଏହା କହିଛନ୍ତି। ୧ ମିନିଟ ୩୧ ସେକେଣ୍ଡର ଭିଡିଓ ସେୟାର କରି ସେ କ୍ୟାପସନରେ ଲେଖିଛନ୍ତି- “ମସଜିଦ୍ ତମ ବାପାଙ୍କ ସମ୍ପତ୍ତି କି? ଗୋଟିଏ ମସଜିଦ ହରେଇଛି। ଆମେ ଆଉ କୌଣସି ମସଜିଦ ହରାଇବୁ ନାହିଁ।”
ଅସଦୁଦ୍ଦିନ ଓୱେସି ବିଜେପି ନେତାଙ୍କୁ ଟାର୍ଗେଟ କରି କହିଛନ୍ତି- ଆପଣ ଆପଣଙ୍କ ଘର ସହ କାରବାର କରିପାରିବେ କିନ୍ତୁ ମସଜିଦ ହେଉଛି ଆଲ୍ଲାଙ୍କ ଘର। ଏଥିରେ କୌଣସି ଚୁକ୍ତି ହୋଇପାରିବ ନାହିଁ।
ୟୁନିଫର୍ମ ସିଭିଲ୍ କୋଡ୍ (ୟୁସିସି)କୁ ନେଇ ପ୍ରଶ୍ନ ଉଠାଇଛନ୍ତି ଅସଦୁଦ୍ଦିନ ଓୱେସି। ସେ କହିଛନ୍ତି ଯେ ବିଜେପି ଏବଂ ଆରଏସଏସ ଶରିୟତ ଜାଣିନଥିବା ଲୋକଙ୍କୁ ନେଇ ଏହା ପ୍ରସ୍ତୁତ କରୁଛନ୍ତି । ଶରିୟତକୁ ଆମଠାରୁ ଛଡ଼ାଇ ନେବାକୁ ଚାହୁଁଛି ବିଜେପି। ଏହା ସହ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମାଙ୍କୁ ମଧ୍ୟ ଟାର୍ଗେଟ କରିଛନ୍ତି ଓୱେସି । ସେ କହିଛନ୍ତି ଯେ ଆସାମ ମୁଖ୍ୟମନ୍ତ୍ରୀ ତେଲେଙ୍ଗାନା ଏବଂ ହାଇଦ୍ରାବାଦ ଗସ୍ତ କରୁଛନ୍ତି, ସେ ପ୍ରଥମେ ତାଙ୍କ ରାଜ୍ୟର ସ୍ଥିତିସୁଧାରିବା ଉଚିତ୍ ।
ଓୱେସି କହିଛନ୍ତି ଯେ ଯେଉଁମାନେ ୟୁସିସି ଲାଗୁ କରିବା କଥା କହୁଛନ୍ତି ସେମାନେ ଏହାର ସମ୍ପୂର୍ଣ୍ଣ ରୂପ ମଧ୍ୟ ଜାଣନ୍ତି ନାହିଁ। ଓୱେସି ଆହୁରି ମଧ୍ୟ କହିଛନ୍ତି ଯେ ପ୍ରତ୍ୟେକ ରାଜ୍ୟ ନିଜସ୍ୱ ଆଇନ ଆଣୁଛନ୍ତି ତେବେ ୟୁନିଫର୍ମ ସିଭିଲ୍ କୋଡର ଆବଶ୍ୟକତା କ’ଣ?
