କରଞ୍ଜିଆ ୦୫/୦୬: ମର୍ମନ୍ତୁଦ ସଡ଼କ ଦୁର୍ଘଟଣା । କରଞ୍ଜିଆ ଥାନା ଅନ୍ତର୍ଗତ ୪୯ନମ୍ବର ଜାତୀୟ ରାଜପଥ କାଠ କରଞ୍ଜିଆ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଦୁଇଟି ଟ୍ରକ ମୁହାଁମୁହିଁ ଧକ୍କା ଦୁଇ ଗୁରୁତର । ଆଜି ସକାଳ ୬ ଘଟିକା ସମୟରେ କାଠକରଞ୍ଜିଆ ପୋଲ ନିକଟରେ ଦୁଇଟି ଟ୍ରକ ମୁହାଁମୁହିଁ ଧକ୍କା ହୋଇଥିଲା ।
ଧକ୍କା ହେବା ଫଳରେ ଟ୍ରକରେ ଦୁଇଜଣ ଡ୍ରାଇଭର ଚାପି ହୋଇ ଗୁରୁତର ହଇଥିଲେ । ତେବେ ଘଟଣା ସ୍ଥଳରୁ ୧୦୩୩ ଆମ୍ବୁଲାନ୍ସରେ ଉଦ୍ଧାର କରି କରଞ୍ଜିଆ ଉପଖଣ୍ଡ ଚିକିତ୍ସାଲୟରେ ଉଭୟ ଙ୍କୁ ଭର୍ତ୍ତି କରାଯାଇଛି । ତେବେ ଉଭୟଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ଥିଲେ ବି ଅଧିକ ଚିକିତ୍ସା ପାଇଁ କଟକ ବଡ଼ ମେଡ଼ିକାଲକୁ ନେବା ପାଇଁ ପରାମର୍ଶ ଦେଇଛନ୍ତି ଡାକ୍ତର ।
ଅନ୍ୟପଟେ ଘଟଣା ସ୍ଥଳରେ କରଞ୍ଜିଆ ଥାନା ପୋଲିସ ପହଞ୍ଚି ଅଧିକ ତଦନ୍ତ କରୁଥିଲେ ବି ଟ୍ରକ ଦୁଇଟି ମୁହାଁମୁହିଁ ଧକ୍କା ହୋଇଥିବା କାରଣରୁ ରାସ୍ତାଟି ଅବରୋଧ ହୋଇଯାଇଛି । ଯାହା ଫଳରେ ଗାଡି ଯିବା ଆସିବା ବାଧାପ୍ରାପ୍ତ ହେଉଛି । ଉଭୟ ପୋଟେ ଶହ ଶହ ଗାଡି ଅଟକି ରହିଥିବା ବେଳେ ପୋଲିସ ଦୁର୍ଘଟଣା ଗ୍ରସ୍ତ ଟ୍ରକକୁ ହଟାଇ ରାସ୍ତା ସଫା କରିବା ପାଇଁ ଚେଷ୍ଟା କରୁଛି ।
