କଲିକତା ୨୬/୦୬: କରୋନା ମହାମାରୀରେ ଲକଡାଉନ୍ ଯୋଗୁଁ ପ୍ରତ୍ୟେକ ଅଞ୍ଚଚଳରେ ବହୁତ ପ୍ରଭାବ ପଡିଥିବାବେଳେ ଏହି ସଙ୍କଟ ଯୋଗୁଁ ବନ୍ଦ ହୋଇଯାଇଥିବା ମା’ ଦକ୍ଷୀଣ କାଳୀଙ୍କ ମନ୍ଦିର ପ୍ରାୟ ୧ ମାସ ପରେ ଖୋଲାଯାଇଛି । ବର୍ତ୍ତମାନ, ସର୍ବାଧିକ ୨୦ ଜଣ ଲୋକ ଏକାସାଙ୍ଗରେ ମୁଖ୍ୟ ମନ୍ଦିର ପରିସରରେ ପ୍ରବେଶ କରିପାରିବେ । ମନ୍ଦିରର ପ୍ରଥମ ପ୍ରବେଶ ପଥରେ ଥର୍ମାଲ୍ ଯାଞ୍ଚ କରାଯାଉଛି। ମନ୍ଦିରରେ ସେଲଫି ନେବା ଉପରେ ବାରଣ କରାଯାଇଛି। ଏହା ସହିତ ଭକ୍ତମାନଙ୍କୁ କରୋନା ପ୍ରୋଟୋକଲ୍ ଅନୁସରଣ କରିବାକୁ କୁହାଯାଇଛି ।
ମନ୍ଦିର ପରିଚାଳନାରୁ ମିଳିଥିବା ଖବର ଅନୁଯାୟୀ ଗୁରୁବାର ସକାଳ ୭ ଟାରେ ମନ୍ଦିରର କବାଟ ଖୋଲାଯାଇଛି। ପ୍ରଥମ ଦିନରେ ମନ୍ଦିର ବାହାରେ ଭକ୍ତମାନଙ୍କର ଏକ ଲମ୍ବା ଧାଡି ଥିଲା। ସମସ୍ତେ ସାମାଜିକ ଦୂରତାର ବ୍ୟବସ୍ଥାକୁ ବହୁତ ଭଲ ଭାବରେ ଅନୁସରଣ କରିଛନ୍ତି । କରୋନା ସମ୍ବନ୍ଧୀୟ ସ୍ୱାସ୍ଥ୍ୟ ନିର୍ଦ୍ଦେଶାବଳୀ ଅନୁସରଣ କରି ମା’ ଭବତାରିଣୀଙ୍କ ଦର୍ଶନ କରାଯାଉଛି।
ଉଲ୍ଲେଖନୀୟ କଥା ହେଉଛି, ବଙ୍ଗଳାରେ କରୋନା ମାମଲା ହ୍ରାସ ପାଇବା ପରେ ରାଜ୍ୟର ପ୍ରମୁଖ ଧାର୍ମିକ ସ୍ଥାନ ଖୋଲିବା ଆରମ୍ଭ କରିଛି। ତାରକେଶ୍ୱର ତଥା ତାରାପିଠ ପରେ ମଙ୍ଗଳବାର ଠାରୁ କାଳିଘାଟ ମନ୍ଦିର ଏବଂ ମାୟାପୁର ସ୍ଥିତ ଚନ୍ଦ୍ରୋଦୟ ମନ୍ଦିର ଖୋଲା ଯାଇଥିଲା । ବର୍ତ୍ତମାନ ଦକ୍ଷୀଣଶ୍ୱର ମନ୍ଦିର ଗୁରୁବାର ଠାରୁ ଖୋଲା ହୋଇଛି। କାଳିଘାଟ ମନ୍ଦିର ବର୍ତ୍ତମାନ ସକାଳ ୬ ଟାରୁ ୧୨ ଟା ପର୍ଯ୍ୟନ୍ତ ଖୋଲାଯାଉଛି । ପୂଜାପାଠ ସମ୍ବନ୍ଧରେ କୌଣସି ପ୍ରତିବନ୍ଧକ ଲଗାଯାଇ ନାହିଁ, କିନ୍ତୁ ଭକ୍ତମାନଙ୍କୁ ମନ୍ଦିରର ଗର୍ଭଗୃହ ଭିତରେ ପ୍ରବେଶ କରିବାକୁ ଅନୁମତି ଦିଆଯାଇ ନାହିଁ। ବିନା ମାସ୍କରେ, ମନ୍ଦିର ଭିତରକୁ ଯିବାକୁ ଅନୁମତି ନାହିଁ ।
