ଜି.ଉଦୟଗିରି ୧୨।୦୬ : ବିବାହିତ ଯୁବକଙ୍କ ଝୁଲନ୍ତା ମୃତଦେହ ଠାବ । ମୃତକ ଟିକାବାଲି ଥାନା ପାଣିଙ୍ଗିଆ ଗାଁର ନରେଶ ଦିଗାଳ ବୋଲି ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ନରେଶ ଦିଗାଳ ଶ୍ରୀରାମ ପଦା ଗାଁରେ ବିବାହ କରିଥିଲେ । ତାଙ୍କର ଚିରି ପୁଅ ଝିଅ ନେଇ ସଂସାର । ତେକେ କିଛିଦିନ ହେବ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ମନମାଳିନ୍ୟ ହୋଇଥିଲା । ସ୍ତ୍ରୀ ପୁଅଝିଅକୁ ନେଇ ଶ୍ରୀରାମ ପଦା ସ୍ଥିତ ନିଜ ବାପାଙ୍କ ଘରକୁ ଆସିଥିଲେ । ଯେଉଁଥିଲାଗି ଯୁବକ ଜଣଙ୍କ ମାନସିକ ଭାବେ ଭାଙ୍ଗିପଡିଥିଲେ । ନରେଶ ବୁଝାସୁଝା କରି ସ୍ତ୍ରୀ ଓ ପିଲାଙ୍କୁ ନେବା ପାଇଁ ଶ୍ରୀରାମ ପଦା ଆସିଥିଲେ । ହେଲେ ହଠାତ୍ ଏବେ ତାଙ୍କର ମୃତଦେହ ମିଳିଛି । ଏକ ଶାଗୁଆଳ ଗଛରେ ବେଡ୍ସିଟ୍ ସହାୟତାରେ ଝୁଲୁଥିବାର ଦେଖିବାକୁ ମିଳିଛି ।
ସେପଟେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଆରମ୍ଭ କରିଛି । ଏକ ଅପମୃତ୍ୟୁ ମାମଲା ମଧ୍ୟ ରୁଜୁ କରିଛି । ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ହିଁ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ପୋଲିସ ସୁତ୍ରରୁ ସୂଚନା ମିଳିଛି ।
