ନୂଆଦିଲ୍ଲୀ ୦୬/୦୭: ଆଜିକାଲି ବି-ଟାଉନରେ ବିବାହ ବିନା ମା’ ହେବା ଖୁବ୍ ଚାଲିଛି । ନିକଟରେ ରାକ୍ଷୀ ସାୱନ୍ତ କହିଥିଲେ ଯେ ସେ ତାଙ୍କର ଏଗ୍ ଫ୍ରିଜ୍ କରିଛନ୍ତି, ଏପରି କରିବା କେବଳ ରାକ୍ଷୀ ନୁହଁନ୍ତି, ବରଂ ତାଙ୍କ ପୂର୍ବରୁ ଅନେକ ସେଲିବ୍ରେଟ୍ ଏକତା କପୁର ଠାରୁ ମୋନା ସିଂ ପର୍ଯ୍ୟନ୍ତ ଏହା କରିଛନ୍ତି।
ଏଥି ସହିତ, ବର୍ତ୍ତମାନ ଖବର ଆସିଛି ଯେ କାଜଲଙ୍କ ଭଉଣୀ ତନିଷା ମୁଖାର୍ଜୀ ମଧ୍ୟ ୩୯ ବର୍ଷ ବୟସରେ ଏଗ୍ ଫ୍ରିଜ୍ କରିଛନ୍ତି। ତନିଷା କହିଛନ୍ତି, ସେ ପୂର୍ବରୁ ଏହା କରିବାକୁ ଚାହୁଁଥିଲେ କିନ୍ତୁ ଡାକ୍ତରଙ୍କ ପରାମର୍ଶ କ୍ରମେ ୩୯ ବର୍ଷ ବୟସ ବାଛିଛନ୍ତି।
ତନିଷା ମୁଖାର୍ଜୀ ଏକ ଇଣ୍ଟରଭ୍ୟୁରେ କହିଛନ୍ତି, ମୁଁ ୩୩ ବର୍ଷ ବୟସରେ ନିଜର ଏଗ୍ ଫ୍ରିଜ୍ କରିବାକୁ ଚାହୁଁଥିଲି । ସେତେବେଳେ ମୁଁ ମୋର ଡାକ୍ତରଙ୍କ ନିକଟକୁ ଯାଇଥିଲି । କିନ୍ତୁ ସେ ମୋତେ ସେତେବେଳେ ଏହା କରିବାକୁ ବାରଣ କରିଥିଲେ । ଏହା ମୋ ଶରୀର ଉପରେ ପ୍ରଭାବ ପକାଇପାରେ ବୋଲି ସେ କହିଥିଲେ। ଯେତେବେଳେ ଶିଶୁଟିଏ ଗର୍ଭଧାରଣ କରିବାର ଆଶା ନଥାଏ ସେତେବେଳେ ମୁଁ ଏହା କରିବା ଉଚିତ୍ ବୋଲି ସେ ପରାମର୍ଶ ଦେଇଥିଲେ । ଏହା ବ୍ୟକ୍ତିଗତ ପସନ୍ଦ ଏବଂ ଆଜିର ସମୟରେ ସନ୍ତାନ ନ ହେବା କୌଣସି ଅସୁବିଧା ନାହିଁ ।
ତନିଷା ମୁଖାର୍ଜୀ କହିଛନ୍ତି ଯେ ମହିଳାଙ୍କ ଜୀବନର ସବୁଠାରୁ ବଡ ଇଚ୍ଛା କେବଳ ସନ୍ତାନ ଜନ୍ମ ନୁହେଁ। ସେ ବିଶ୍ୱାସ କରନ୍ତି ଯେ ପ୍ରତ୍ୟେକ ମହିଳାଙ୍କର ସନ୍ତାନ ହେବା ଆବଶ୍ୟକ ନୁହେଁ। ତନିଷା କହିଛନ୍ତି ଯେ ବିବାହ କରିବା ମଧ୍ୟ ଜରୁରୀ ନୁହେଁ ।
