କରଞ୍ଜିଆ ୨୧।୦୯ : ବିରଳ ପ୍ରଜାତିର କସ୍ତୁରୀ ମୃଗ ଦାନ୍ତ ଓ ବାଘ ନଖ ଜବତ। ଆନ୍ଧ୍ରପ୍ରଦେଶରୁ ଆସି ବିରଳ ପ୍ରଜାତିର କସ୍ତୁରୀ ମୃଗ ଦାନ୍ତ ସହ ବାଘ ନଖ ବିକ୍ରି କରୁଥିବା ସମୟରେ ମାଡ଼ି ବସିଲା ବନବିଭାଗ ।
ଖବର ଅନୁଯାୟୀ, ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ଅଞ୍ଚଳରୁ ମଙ୍ଗଳବାର ସନ୍ଧ୍ୟା ସମୟରେ ଆନ୍ଧ୍ରପ୍ରଦେଶର ଦୁଇ ଜଣ ବ୍ୟକ୍ତି ବିରଳ ପ୍ରଜାତିର କସ୍ତୁରୀ ମୃଗ ଦାନ୍ତ ଏବଂ ବାଘ ନଖ ବିକ୍ରି କରୁଥିଲେ । ସେହି ସମୟରେ ଚଢା଼ଉ କରି ସେମାନଙ୍କୁ ଗିରଫ କରିଛି ବନବିଭାଗ ଟିମ୍। ସେମାନଙ୍କ ଠାରୁ ୪ ଟି ବାଘ ନଖ ସହ ଦୁଇଟି କସ୍ତୁରୀ ମୃଗ ଦାନ୍ତ ଜବତ ହୋଇଛି । ଏତିସହ ଅନ୍ୟାନ୍ୟ ବନ୍ୟଜନ୍ତୁଙ୍କ ଅଙ୍ଗ ମଧ୍ୟ ଜବତ କରାଯାଇଛି। ହିମାଚଳ ପ୍ରଦେଶରେ ଏହି ବିରଳ ପ୍ରଜାତିର କସ୍ତୁରୀ ମୃଗ ଦେଖା ଯାଆନ୍ତି । ଏମାନେ ସେଠାରୁ ଆଣି ଆନ୍ଧ୍ର ଓ ଓଡ଼ିଶାରେ ଏହାକୁ ବିକ୍ରି କରିଥାନ୍ତି ବୋଲି ବନବିଭାଗକୁ କହିଛନ୍ତି।
