ବାହା ହେଲେ ନେହୁପ୍ରୀତ, ପଞ୍ଜାବରେ ହେବ ରିସେପସନ

ନୂଆଦିଲ୍ଲୀ ୨୫/୧୦: ସରିଲା ବଲିଉଡ ସିଙ୍ଗର ନେହା କକ୍କଡଙ୍କ ବାହାଘର। ସେ କଣ୍ଠଶିଳ୍ପୀ ରୋହନ ପ୍ରୀତଙ୍କୁ ଦିଲ୍ଲୀ ଗୁରୁଦ୍ବାରରେ ପୂରା ରୀତିନୀତି ସହ ବିବାହ କରିଛନ୍ତି। ତେବେ ବାହାଘରରେ କେବଳ ସେମାନଙ୍କର ପରିବାର ଲୋକ ଓ କେତେକ ଅନ୍ତରଙ୍ଗ ବନ୍ଧୁ ସାମିଲ ହୋଇଥିଲେ। ଏବେ ନେହା ଓ ରୋହନପ୍ରୀତ ଓରଫ ନେହୁପ୍ରୀତଙ୍କ ବାହାଘର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।

ବାହାଘର ଯୋଡାରେ ବେଶ ସୁନ୍ଦର ଦିଶୁଛନ୍ତି ନେହା। କେବଳ ସେତିକି ନୁହେଁ ରୋହନ ନଜର ଆସିଛନ୍ତି ସେରଓ୍ବାନି ଓ ପଗଡ଼ିରେ। ଦୁହିଁଙ୍କ ଆଉଟଫିଟ୍ ଥିଲା ପ୍ରାୟ ସମାନ ରଙ୍ଗର । ବାହାଘର ହେବା ପୂର୍ବରୁ ଦୁହିଁଙ୍କୁ ନେଇ ବେଶ ଚର୍ଚା ଚାଲିଥିଲା। ନେହାଙ୍କ ହଳଦି ଓ ମେହେନ୍ଦି ଫଟୋ ମଧ୍ୟ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା। ଏବେ ଯେତେବେଳେ ବାହାଘର ଶେଷ ହୋଛି ରିସେପସନ ପ୍ରସ୍ତୁତି ଆରମ୍ଭ ହୋଇଛି। ବାହାଘରର ଗ୍ରାଣ୍ଡ ରିସେପସନ ପଞ୍ଜାବରେ ଆ​‌ୟୋଜନ ହେବ।

ନିକଟରେ ଦୁହିଁଙ୍କର ଏକ ଭିଡ଼ିଓ ଆଲବମ ରିଲିଜ ହୋଇଥିଲା। ସେହି ଗୀତକୁ ନେହା ଲେଖିଥିଲେ। ଗୀତର କିଛି ଅଂଶକୁ ରୋହନ ମଧ୍ୟ ଗାଇଛନ୍ତି।