ନୂଆଦିଲ୍ଲୀ : ଫ୍ରାନ୍ସର ବାସ୍ତିଲ ଡେ ପରେଡ୍ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମୁଖ୍ୟ ଅତିଥି ହେବେ। ଭାରତୀୟ ବାୟୁସେନାର ୩ ରାଫେଲ୍ ଯୁଦ୍ଧବିମାନ ବାସ୍ତିଲ ଡେ ଫ୍ଲାଏପାଷ୍ଟ୍ରେ ଅଂଶଗ୍ରହଣ କରିବ। ଜୁଲାଇ ୧୪ ବାସ୍ତିଲ ଡେ’ରେ ପ୍ୟାରିସରେ ପାରମ୍ପରିକ ମିଲିଟାରି ପରେଡ୍ ହେବ।
ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନଙ୍କ ନିମନ୍ତ୍ରଣକ୍ରମେ ମୋଦୀ ଜୁଲାଇ ୧୪ ଫ୍ରାନ୍ସ ଜାତୀୟ ଦିବସରେ ମୁଖ୍ୟ ଅତିଥି ହେବେ। ମାକ୍ରନ ଆଜି ଏକ ଟ୍ବିଟ୍ କରି କହିଥିଲେ, ପ୍ରିୟ ନରେନ୍ଦ୍ର, ଜୁଲାଇ ୧୪ ପରେଡ୍ରେ ଆପଣଙ୍କୁ ପ୍ୟାରିସକୁ ମୁଖ୍ୟ ଅତିଥି ଭାବେ ସ୍ବାଗତ କରି ମୁଁ ବହୁତ ଖୁସି।
