ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର ! ପ୍ରେମକୁ ସ୍ବୀକୃତି ନମିଳିବାରୁ ଆତ୍ମହତ୍ୟା ସନ୍ଦେହ

ନବରଙ୍ଗପୁର ୨୯।୬: ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ୍ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା ଅଭିଯୋଗ । ଗଛରେ ଦଉଡି ଲଗାଇ ପ୍ରେମୀଯୁଗଳ ଆତ୍ମହତ୍ୟା କରିଥିବା ଦେଖିବାକୁ ମିଳିଛି । ଯୁବକ ଜଣକ ପାପଡାହାଣ୍ଡି ବ୍ଲକ୍ ଖୁଟୁବାଇ ପଞ୍ଚାୟତର ଦାମାପାଲା ଗ୍ରାମର ଡମ୍ବରୁ ହରିଜନ ଏବଂ ସେହି ଗାଁ ଜବାଗୁଡ଼ାର ଝିଅ ତିଳେଇ ହରିଜନ ବୋଲି ଜଣାପଡ଼ିଛି । ପ୍ରେମୀ ଯୁଗଳ ଦୁହେଁ ସମ୍ପର୍କୀୟ ହୋଇଥିବା ବେଳେ ଦୁହିଁଙ୍କ ପ୍ରେମକୁ କୌଣସି କାରଣରୁ ସ୍ବୀକୃତି ନମିଳିବାରୁ ଆତ୍ମହତ୍ୟା କରିଥିବା କୁହାଯାଉଛି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।