ମୁମ୍ୱାଇ ୧୬/୦୭: ପୁଣି ବଢିଲା ଟି-ସିରିଜ୍ କମ୍ପାନୀର ଏମଡି ଭୂଷଣ କୁମାରଙ୍କ ଅଡୁଆ । ଭୂଷଣଙ୍କ ବିରୋଧରେ ବଳାତ୍କାର ମାମଲା ରୁଜୁ ହୋଇଛି । ଏହି ବଳାତ୍କାର ମାମଲା ଭୁଷଣ କୁମାରଙ୍କ ବିରୋଧରେ ମୁମ୍ବାଇର ଡିଏନ୍ ନାଗର ପୋଲିସ ଦ୍ୱାରା ପଞ୍ଜିକୃତ ହୋଇଛି । ଅଭିଯୋଗ ହୋଇଛି ଯେ ଭୂଷଣ କୁମାର ଜଣେ ୩୦ ବର୍ଷୀୟା ଝିଅକୁ ଟି-ସିରିଜ୍ ପ୍ରୋଜେକ୍ଟରେ କାମ କରିବାକୁ ପ୍ରଲୋଭନ ଦେଖାଇ ବଳାତ୍କାର କରିଥିଲେ ।
କେବଳ ସେତେତି ନୁହେଁ ପୀଡିତା ଅଭିଯୋଗ କରିଛନ୍ତି ଯେ ଭୂଷଣ କୁମାର ତାଙ୍କ ଫଟୋ ଏବଂ ଭିଡିଓ ଭାଇରାଲ କରିବାକୁ ଧମକ ଦେଇଛନ୍ତି । ସୂଚନା ଥାଉକି, ଭୂଷଣ କୁମାରଙ୍କ ବିରୋଧରେ ଏଭଳି ଅଭିଯୋଗ ପ୍ରଥମ ଥର ନୁହେଁ । ଏହାପୂର୍ବରୁ, ମିଟୁ କ୍ୟାମ୍ପେନ ମାଧ୍ୟମରେ ମଡେଲ ମାରିନା କୁନୱର ମଧ୍ୟ ଭୂଷଣ କୁମାରଙ୍କୁ ଶାରୀରିକ ନିର୍ଯାତନା ଦେଇଥିବାର ଅଭିଯୋଗ କରିଥିଲେ ।
