ଯାଜପୁର: ପରୀକ୍ଷା ଦେବାବେଳେ ଅଂଶୁଘାତର ଶିକାର ହେଲେ ଛାତ୍ରୀ | ଯାଜପୁର ଟାଉନ ମଧ୍ୟରେ ଥିବା ବିରଜା ମହିଳା ମହାବିଦ୍ୟାଳୟରେ ଆଜି +୨ ପରୀକ୍ଷା ଚାଲିଥିବାବେଳେ ଜଣେ ପ୍ରଥମ ବର୍ଷର ଛାତ୍ରୀ ଅଞ୍ଜଳି ପରିଡା ହଠାତ ଅସୁସ୍ଥ ହୋଇ ପଡିଯାଇଥିଲେ । ତେବେ ତାଙ୍କୁ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା ଓ ସେ ଅଂଶୁଘାତର ଶିକାର ହୋଇଥିବା ଜଣାପଡିଥିଲା ।
ହେଲେ ଛାତ୍ରୀଙ୍କ ବାପା ଅଭିଯୋଗ କରିଛନ୍ତି କି ଅସମୟରେ ପରୀକ୍ଷା ହେବା ହେତୁ ଛାତ୍ରୀମାନେ ବାରମ୍ବାର ଅଂଶୁଘାତର ଶିକାର ହେଉଛନ୍ତି। ପିଲାମାନେ ପରୀକ୍ଷା ଦେଉଥିବା ଶ୍ରେଣୀ ଗୃହରେ ଖରାଦିନେ ଫ୍ୟାନ ଚଳୁନଥିବାବେଳେ ପିଇବା ପାଣିର ସମସ୍ୟା ମଧ୍ୟ ରହିଥିବା ଦେଖିବାକୁ ମିଳିଛି ।
ତେବେ ଅଧ୍ୟାପକ କଲେଜରେ ଅନୁପସ୍ଥିତ ଥିବାବେଳେ ଉପସ୍ଥିତ ଅଧ୍ୟାପିକା ଜ୍ୟୋସ୍ନାରାଣୀ ସାହୁ କହିଛନ୍ତି ଗତକାଲି ଜଣେ ଛାତ୍ରୀ ଅଂଶୁଘାତର ଶିକାର ହୋଇଥିବାବେଳେ ଆଜି ଜଣେ ଛାତ୍ରୀ ଅଂଶୁଘାତରେ ଗୁରୁତର ହୋଇ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି | ତେଣୁ ତୁରନ୍ତ ପରୀକ୍ଷା କାର୍ଯ୍ୟସୂଚୀ ବଦଳାଯିବ ।
