ମୁମ୍ବାଇ ୦୫।୦୮: ଷ୍ଟାର ପ୍ଲସରେ ପ୍ରସାରିତ ଟିଭି ଶୋ ‘ୟେ ରିସ୍ତା କ୍ୟା କେହଲାତା ହୈ’ ରେ ‘ନୈତିକ୍’ ଚରିତ୍ରକୁ କିଏ ବା ନଜାଣେ । ଘରେ ଘରେ ସେ ଥିଲେ ଫେମସ । ଅକ୍ଷରା-ନୈତିକ ଯୋଡିକୁ ଖୁବ ପସନ୍ଦ କରୁଥିଲେ ଦର୍ଶକ । ଅଭନୟ ସହ ତାଙ୍କ ରିଅଲ ଲାଇଫକୁ ନେଇ ଥିଲେ ବେଶ୍ ଚର୍ଚ୍ଚିତ ଥିଲେ ସେ । ନୈତିକ ଫେମ୍ କରଣ ମେହେରା ତାଙ୍କ ବୈବାହିକ ଜୀବନକୁ ନେଇ ଲାଇମ ଲାଇଟରେ ଥିଲେ । ପତ୍ନୀ ନିଶା ରାୱଲ ସହ ତାଙ୍କ ସମ୍ପର୍କ ଠିକ୍ ଚାଲିନଥିଲା । ଏଥିପାଇଁ ସେ କାଠଗଡାକୁ ବି ଟାଣି ହୋଇଆସିଥିଲେ ।
ଉଭୟ ଏବେ ଅଲଗା ରହୁଛନ୍ତି । ହେଲେ ଗତି କିଛିଦିନ ପରେ ସେ ପୁଣିଥରେ ନିଜ ସମ୍ପର୍କକୁ ନେଇ ମୁହଁ ଖୋଲିଛନ୍ତି । ଅର୍ଥାତ୍ କରଣ ମେହେରା ତାଙ୍କ ପତ୍ନୀଙ୍କଠାରୁ ଅଲଗା ହେବା ପରେ ପତ୍ନୀଙ୍କ ବିରୋଧରେ ଆଣିଛନ୍ତି ଗମ୍ଭୀର ଅଭିଯୋଗ । କରଣ କହିଛନ୍ତି ତାଙ୍କ ପତ୍ନୀଙ୍କ ଅନୈତିକ ସମ୍ପର୍କ ରହିଛି । ନିକଟରେ କରଣ କହିଛନ୍ତି କି ନିଶା ତାଙ୍କ ପୁଅକୁ ଭେଟିବାକୁ ଅନୁମତି ଦେଉନାହାଁନ୍ତି । ନିଜ ଘରେ ଜଣେ ଅଲଗା ବ୍ୟକ୍ତିଙ୍କ ସହ ରହୁଛନ୍ତି ।
କରଣ ଏହି ଅନ୍ୟ ବ୍ୟକ୍ତିଙ୍କ ନାମ ବି ପ୍ରକାଶ କରିଛନ୍ତି । କରଣ ମୁମ୍ବାଇରେ ଏକ ସାମ୍ବାଦିକ ସମ୍ମିଳନୀ କରି ନିଶାଙ୍କ ବିଷୟରେ ଆଶ୍ଚର୍ଯ୍ୟଜନକ ତଥ୍ୟ କହିଥିଲେ । କରଣ କହିଛନ୍ତି ଯେ ତାଙ୍କ ପତ୍ନୀ ନିଶା ତାଙ୍କ ରାଖୀ ବାନ୍ଧିଥିବା ଭାଇ ରୋହିତଙ୍କ ସହିତ ସମ୍ପର୍କରେ ଅଛନ୍ତି । କରଣ କହିଛନ୍ତି ଯେ ନିଶା ପୂର୍ବରୁ ରୋହିତଙ୍କୁ ତାଙ୍କ ଭାଇ କହୁଥିଲେ । କିନ୍ତୁ ବର୍ତ୍ତମାନ ନିଶା ତାଙ୍କ ସହ ଅନୈତିକ ସମ୍ପର୍କ ରଖିଛନ୍ତି । କେବଳ ଏତିକି ନୁହେଁ ନିଶା ଏବଂ ରୋହିତ ନିଜ ଘରେ ରୁହନ୍ତି ।
କରଣ ଏହା ମଧ୍ୟ କହିଛନ୍ତି କି ନିଶା କଙ୍ଗନାଙ୍କ ରିଆଲିଟି ଶୋ’ ଲକ୍ ଅପରେ ମଧ୍ୟ ଏହା ସ୍ୱୀକାର କରିଛନ୍ତି ଯେ ବିବାହ ପରେ ମଧ୍ୟ ତାଙ୍କର ପ୍ରେମ ସମ୍ପର୍କ ଥିଲା । କରଣ କହିଛନ୍ତି, “ଯଦି ମୁଁ କହିଥାନ୍ତେ, ଲୋକମାନେ ମୋତେ ଦୋଷାରୋପ କରିଥାନ୍ତେ । ବର୍ତ୍ତମାନ ପ୍ରମାଣ ସହିତ କହୁଛି ଯେ ନିଶା ରୋହନଙ୍କ ସହ ରୁହନ୍ତି ଏବଂ ଏହି ସମ୍ପର୍କକୁ ଭାଇ-ଭଉଣୀ ସମ୍ପର୍କ ଭାବରେ ବିବେଚନା କରନ୍ତି । ଏବେ କରଣ ଅଭିଯୋଗ କରିଛନ୍ତି ଯେ ଅଲଗା ନମ୍ବରୁ ହତ୍ୟା ଧମକ ମଧ୍ୟ ମିଳୁଛି।
