ଜୟପୁର: ରାଜସ୍ଥାନର ହନୁମାନଗଡ଼ ଅଞ୍ଚଳ ସ୍ଥିତ ପଲ୍ଲୁ ଥାନା ଅଧୀନରେ ଶନିବାର ରାତିରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ୫ ଜଣଙ୍କ ମୃତ୍ୟୁ ହୋଇଛି ଏବଂ ଜଣେ ଆହତ ହୋଇଛନ୍ତି। ପୁଲିସ ସୂଚନା ଅନୁଯାୟୀ କାର୍ରେ ୬ ଜଣ ଯାତ୍ରୀ ଥିଲେ। ରାୱତସର-ସରଦାରସହର ମେଘା ରାଜପଥରେ କାର୍କୁ ସମ୍ମୁଖରୁ ଏକ ଟ୍ରକ୍ ପ୍ରଚଣ୍ଡ ଧକ୍କା ଦେବାରୁ ୫ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି।
ଅନ୍ୟ ଜଣେ ବ୍ୟକ୍ତି ଗୁରୁତର ଆହତ ହୋଇଛନ୍ତି। ତାଙ୍କୁ ବିକାନେର ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ପୁଲିସ ମୃତକମାନଙ୍କୁ ଯଥାକ୍ରମେ ରାଜୁ (୨୪), ନରେଶ କୁମାର (୨୮), ଦନାରାମ (୩୨), ବବ୍ଲୁ (୨୮), ମୁରଲି (୨୮) ବୋଲି ଚିହ୍ନଟ କରିଛି। ସମସ୍ତ ମୃତକ ରାଜସ୍ଥାନ ହନୁମାନଗଡ଼ର ବିସ୍ରାସାର ଗ୍ରାମ ବାସିନ୍ଦା। ବିସ୍ରାସାର ମେଘା ରାଜପଥ ନିକଟସ୍ଥ ଗୌଶାଳା ନିକଟରେ ଏହି ଦୁର୍ଘଟଣା ହୋଇଛି।
