ଫୁଲବାଣୀ ୦୯।୦୫ : କିଛି ମାସ ପରେ ପୁଣି ଥରେ ଲେଉଟିଛି କରୋନା । ରବିବାର ଦିନ ଜିଲ୍ଲାରୁ ଏକାଥରକେ ୪ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାପରେ ସେମାନଙ୍କୁ ସଂଗରୋଧରେ ରଖାଯାଇଛି । ଲଗାତର ଭାବେ ସେମାନଙ୍କ ସ୍ୱାସ୍ଥ୍ୟ ଉପରେ ନଜର ରଖାଯାଇଛି । ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ଗୁମଗଡ଼ରୁ ଜଣେ, ବାରଖମାରୁ ଜଣେ, ଦାରିଙ୍ଗବାଡ଼ିରୁ ୨ ଜଣ ରହିଛନ୍ତି । ସେମାନ ଆଉ କାହା ସହିତ ସଂସ୍ପର୍ଶରେ ଆସିଛନ୍ତି । ସେନେଇ ମଧ୍ୟ ତନାଘନା କରୁଛନ୍ତି ସ୍ୱାସ୍ଥ୍ୟ ବିଭାଗର ଟିମ୍ ।
ତେବେ ୧୨ଦିନ ଧରି ଚାଲିଥିବା ପୁସ୍ତକ ମେଳା ସରିଥିବା ବେଳେ ବର୍ତମାନ ନାରାୟଣୀ ଯାତ୍ରା ଚାଲିଛି । ଆଗକୁ ପଲ୍ଲିଶ୍ରୀ ମେଳା, ନିଯୁକ୍ତି ମେଳା ହେବ l ଯାତ୍ରା ପାଇଁ ମିନା ବଜାର ମଧ୍ୟ ଆସିବ । ଏପରି ସ୍ଥଳେ ଜିଲ୍ଲାରେ କରୋନା ରୋଗୀ ଚିହ୍ନଟ ହେବା ପ୍ରଶାସନ ଓ ଯାତ୍ରା କମିଟିକୁ ଚିନ୍ତାରେ ପକାଇଛି l ତେଣୁ ଆଗାମୀ ଦିନ ଉଭୟ ପ୍ରଶାସନ ଓ ଲୋକେ ସଚେତନ ହେବାର ଦରକାର ।
