ପାଟଣା ୨୫।୦୫: ଦୁର୍ଘଟଣା ପରେ ଉତ୍ତେଜନା । କେନ୍ଦୁଝର ଜିଲ୍ଲା ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥ ଖୀରେଇଟାଙ୍ଗିରୀ ଟୋଲଗେଟ୍ ନିକଟେର ଦେଖାଦେଇଛି ଉତ୍ତେଜନା । ଟୋଲଗେଟ୍ ନିକଟରୁ ବେଆଇନ୍ ପାର୍କି ଉଠାଇବା ସହ ଷ୍ଟ୍ରିଟ ଲାଇଟ୍ ଲଗାଇବା ଏବଂ ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ରାସ୍ତା ଅବରୋଧ କରିଛନ୍ତି ଲୋକେ । କଲିକତା ଯାଉଥିବା ଅନେକ ଗାଡି ଏବେ ଅଟକି ରହିଛି ।
ଖବର ଅନୁଯାୟୀ, ମଙ୍ଗଳବାର ରାତିରେ ଦୁଇଟି ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଯାହାଫଳରେ ଖୀରେଇଟାଙ୍ଗିରୀ ଗାଁର ଜେମ୍ସ ନାଏକଙ୍କ ମୃତ୍ୟୁ ହୋଇଥିଲା । ଦୁର୍ଘଟଣାରେ ମୃତ୍ୟୁ ପରେ ଉତ୍ତେଜନା ଦେଖାଦେଇଛି । ବିଭିନ୍ନ ଦାବି ନେଇ ୪୯ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି ସ୍ଥାନୀୟ ଲୋକେ । ଯାହାଫଳରେ ଉଭୟ ପଟେ ଶହ ଶହ ଗାଡି ଅଟକି ରହିଛି । ତୁରୁମୁଙ୍ଗା ପୋଲିସ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଛି । କିନ୍ତୁ ଲୋକେ ନିଜ ଜିଦ୍ରେ ଅଟକ ରହି ରାସ୍ତା ଅବରୋଧ କରିଛନ୍ତି ।
