ନୂଆଦିଲ୍ଲୀ: ଦିଲ୍ଲୀ ନଗର ନିଗମ ନିର୍ବାଚନ ପୂର୍ବରୁ ଦୁର୍ନୀତି ନିବାରଣ ବିଭାଗର ଏଣ୍ଟ୍ରି । ଏମସିଡି ନିର୍ବାଚନ ପାଇଁ ଟିକେଟ୍ ବିକ୍ରି ଅଭିଯୋଗରେ ୩ଜଣ ଗିରଫ । ଲକ୍ଷାଧିକ ଟଙ୍କାରେ ଟିକେଟ୍ ବିକ୍ରି ନେଇ ଏତଲା ପରେ ଆମ୍ ଆଦମୀ ପାର୍ଟିର ଜଣେ ବିଧାୟକଙ୍କ ଶଳାଙ୍କ ସମେତ ତିନି ଜଣଙ୍କୁ ବାନ୍ଧିଲା ଦିଲ୍ଲୀ ଦୁର୍ନୀତି ନିର୍ବାରଣ ବିଭାଗ । ଏହା ସହିତ ଟିକେଟ୍ ବିକ୍ରିରେ ଆଉ କିଏ କିଏ ଲିପ୍ତ ଅଛନ୍ତି ଅଧିକ ତଦନ୍ତ କରୁଛି ଏସିବି ।
ଏସିବିର ସୂଚନା ମୁତାବକ, ଜଣେ ମହିଳାଙ୍କୁ ପରିଷଦ ପ୍ରାର୍ଥୀ ପାଇଁ ଟିକେଟ୍ ପ୍ରଦାନ ନେଇ ୯୦ଲକ୍ଷ ଟଙ୍କା ଦାବି କରାଯାଇଥିଲା । ଟଙ୍କା ଦେବା ପରେ ପ୍ରାର୍ଥୀ ତାଲିକାରେ ନାଁ ନାସିବାରୁ ଅଭିଯୋଗ କରିଥିଲେ ମହିଳା । ଗିରଫ ହୋଇଥିଲା ଅଭିଯୁକ୍ତ ମାନଙ୍କ ମଧ୍ୟରେ ଆପ୍ ବିଧାୟକ ଅଖିଲେସପତି ତ୍ରିପାଠୀଙ୍କ ଶଳା ଓମ ସିଂହ, ପିଏ ବିଶାଳ ପାଣ୍ଡେ ଏବଂ ଅନ୍ୟ ଜଣେ ରହିଛନ୍ତି ।
ଏହି ମାମଲାରେ ଦିଲ୍ଲୀ ନଗର ନିଗମ ୬୯ ନମ୍ବର ଓ୍ବାର୍ଡରୁ ଆସିଛି । ଆପ୍ କର୍ମକର୍ତ୍ତା ଶୋଭା ଖାରୀ ଏମସିଡି ନିର୍ବାଚନରେ ଆଶାୟୀ ପ୍ରାର୍ଥୀ ଥିଲେ । ହେଲେ ଆପ୍ ଟିକେଟ୍ ପାଇଁ ବିଧାୟକ ଅଖିଲେଶପତି ତ୍ରିପାଠୀ ତାଙ୍କୁ ୯୦ଲକ୍ଷ ଟଙ୍କା ଦାବି କରିଥିଲେ । ତେବେ ଶୋଭା ଖାରୀ ୩୫ ଲକ୍ଷ ଟଙ୍କା ଅଖିଲେଶପତି ତ୍ରିପାଠୀ ଓ ୨୦ଲକ୍ଷ ଟଙ୍କା ଓ୍ବଜିରପୁର ବିଧାୟକ ରାଜେଶ ଗୁପ୍ତାଙ୍କୁ ଦେଇଥିଲା । ବାକି ୩୫ଲକ୍ଷ ଟଙ୍କା ପ୍ରାର୍ଥୀ ତାଲିକାରେ ନାଁରେ ଆସିଲେ ଦିଆଯିବ ବୋଲି କହିଲେଥିଲେ । ହେଲେ ତାଲିକାରେ ନାଁ ନଆସିବାରୁ ଟଙ୍କା ଦେଇଥିବା ନେଇ ଅଭିଯୋଗ କରିଥିଲେ ଶୋଭା । ଏତଲା ଆଧାରରେ ଦୁର୍ନୀତି ନିବାରଣ ବିଭାଗ ଡିଲିଂ ସମୟରେ ହୋଇଥିବା ଭିଡିଓଙ୍କୁ ଯାଞ୍ଚ କରି ମାମଲାରେ ତିନି ଜଣଙ୍କୁ ଗିରଫ କରିଛି । ଏଥି ସହିତ ଏହି ଦୁର୍ନୀତି ଆଉ କିଏ କିଏ ଅଛନ୍ତି ତଦନ୍ତ କରୁଛି ।
