ନୂଆଦିଲ୍ଲୀ ୦୮/୦୨: ଦାଦାଙ୍କ କଥା ମାନିଲେନି ପାଣ୍ଡ୍ୟା । ଫେବ୍ରୁଆରୀ ୧୦ ତାରିଖରୁ ଖେଳା ଯିବାକୁ ଥିବା ରଣଜୀ ଟ୍ରଫିରେ ଭଦୋଦରା ଟିମ୍ରେ ହାର୍ଦ୍ଦିକ ପାଣ୍ଡ୍ୟାଙ୍କ ନାଁ ନାହିଁ । କେଦାର ଦେବଧରଙ୍କୁ ବରୋଦା ଟିମ୍ର ଅଧିନାୟକ ଦାୟିତ୍ୱ ମିଳିଛି । ବିଷ୍ଣୁ ସୋଲାଙ୍କିଙ୍କୁ ଉପଅଧିନାୟକ କରାଯାଇଛି ।
ହାର୍ଦ୍ଦିକ ଦୀର୍ଘ ଦିନ ହେବ ଭାରତୀୟ ଟିମରୁ ବାହାରେ ଅଛନ୍ତି । ସେ ଟି୨୦ ବିଶ୍ୱକପରେ ଶେଷ ଥର ପାଇଁ ଦଳରେ ଖେଳୁଥିଲେ । ପରେ ଫିଟନେସ୍ କାରଣରୁ ତାଙ୍କୁ ବାଦ୍ ଦିଆଯାଇଥିଲା । ତେବେ ରଣଜୀ ଟ୍ରଫି ପୂର୍ବରୁ ବିସିସିଆଇ ମୁଖ୍ୟ ସୌରଭ ଗାଙ୍ଗୁଲି ପାଣ୍ଡ୍ୟା ରଣଜୀ ଖେଳିବେ ବୋଲି ଆଶା ପ୍ରକାଶ କରିଥିଲେ । ଗାଙ୍ଗୁଲି କହିଥିଲେ ଯେ, ହାର୍ଦ୍ଦିକ ଆହତ ହୋଇଥିଲେ । ତାଙ୍କୁ ସୁସ୍ଥ ହେବାକୁ ସମୟ ଦିଆଯାଇଥିଲା । ସେ ରଣଜୀରେ ପାଣ୍ଡ୍ୟାଙ୍କୁ ଦେଖିବେ ବୋଲି କହିଥିଲେ ।
ଆଇପିଏଲରେ ଖେଳିବେ ପାଣ୍ଡ୍ୟା !
୨୮ ବର୍ଷୀୟ ପାଣ୍ଡ୍ୟା ସମ୍ପୂର୍ଣ୍ଣ ଭାବେ ଫିଟ୍ ନାହାଁନ୍ତି । ସେ ବୋଲିଂଠୁ ଦୀର୍ଘ ଦିନ ଧରି ଦୂରରେ ରହିଛନ୍ତି । ଟି୨୦ ବିଶ୍ୱକପର ପ୍ରାରମ୍ଭିକ ମ୍ୟାଚରେ ସେ ବୋଲିଂ କରିନଥିଲେ । ଏହପରେ ତାଙ୍କ ଦକ୍ଷତାକୁ ନେଇ ପ୍ରଶ୍ନ ଉଠିଥିଲା । ତେବେ ସେ ଆଇପିଏଲ ଜରିଆରେ କ୍ରେକଟକୁ ଫେରିବେ ବୋଲି ଆଶା କରାଯାଉଛି । କାରଣ ତାଙ୍କୁ ଅହମ୍ମଦାବାଦ ଟିମ୍ର ଅଧିନାୟକ ଭାର ମିଳିଛି ।
