ଓ୍ୱାଶିଂଟନ ୦୩/୦୧: ସାରା ବିଶ୍ୱରେ ପୁଣି ହଇଚଇ ସୃଷ୍ଟି କରୁଛି କରୋନା । ସମଗ୍ର ବିଶ୍ୱରେ କରୋନାର ନୂଆ ମ୍ୟୁଟାଣ୍ଟ ଫଳରେ ସଂକ୍ରମଣ ମାତ୍ରା ବଢିବାରେ ଲାଗିଛି । ସଂକ୍ରମିତଙ୍କ ସଂଖ୍ୟା ବି ଦ୍ରୁତ ଗତିରେ ବଢିବାରେ ଲାଗିଛି । ଦକ୍ଷିଣ ଆଫ୍ରିକାରେ ଚିହ୍ନଟ ହୋଇଥିବା ଓମିକ୍ରନ୍ ଭାରିଆଣ୍ଟ ଫଳରେ ଲକଡାଉନ ମୁହାଁ ହେଲାଣି ସମଗ୍ର ଦୁନିଆ । ଏହି ସମୟରେ ଆମେରିକାର ବିଶିଷ୍ଟ ବୈଜ୍ଞାନିକ ଆନ୍ଥୋନୀ ଫାଉସି କହିଛନ୍ତି ଯେ ଆମେରିକାରେ କରୋନା ଭୂତାଣୁ ସଂକ୍ରମଣକୁ ନଷ୍ଟ କରୁଛି ।
ଓମିକ୍ରନ୍ ହେତୁ ଲୋକ ବହୁ ସଂଖ୍ୟାରେ ସଂକ୍ରମିତ ହେଉଛନ୍ତି । ଯାହା ଜଣାପଡୁଛି ଆଉ କିଛିଦିନ ପରେ ମାମଲାଗୁଡ଼ିକ ଶିଖର ଛୁଇଁପାରେ । ଫାଉସି ଗଣମାଧ୍ୟମକୁ କହିଛନ୍ତି, ‘ଆମେ ନିଶ୍ଚିତ ଭାବରେ ଏକ ଗୁରୁତର ଅଭିବୃଦ୍ଧିର ସମ୍ମୁଖୀନ ହୋଇଛୁ । ବଢୁଥିବା ସଂକ୍ରମଣ ହାରକୁ ପ୍ରକୃତରେ ଅଦୃଶ୍ୟ କୁହାଯାଇପାରେ । ଶୁକ୍ରବାର ଦିନ ଆମେରିକାରେ ୪୪୦,୦୦୦ ରୁ ଅଧିକ ନୂଆ ମାମଲା ରିପୋର୍ଟ ହୋଇଥିବା ବେଳେ ଓମିକ୍ରନ୍ ଭାରିଆଣ୍ଟ ସାରା ବିଶ୍ୱରେ ବ୍ୟାପକ ବୃଦ୍ଧି ପାଇଛି ।
ଯାହା ଗତ ଫେବୃଆରୀ ତୁଳନାରେ ପ୍ରାୟ ୨୦୦,୦୦୦ ଅଧିକ । ଏହି ମାମଲାଗୁଡ଼ିକ ଆଗକୁ ବି ବଢିପାରେ । କିନ୍ତୁ ଆମେରିକାର ବୈଜ୍ଞାନିକ ଆନ୍ଥୋନୀ ଫାଉସି କହିଛନ୍ତି ଯେ ଖୁବ ଶୀଘ୍ର ସ୍ଥିତି ସ୍ୱାଭାବିକ୍ ହେବ । କାରଣ ଦକ୍ଷିଣ ଆଫ୍ରିକାକାରେ ନଭେମ୍ବର ଶେଷରେ ପ୍ରଥମ ଓମିକ୍ରନ୍ ଚିହ୍ନଟ ହୋଇଥିଲା । ପରେ ସଂକ୍ରମଣ ଶିଖରରେ ଛିୁଇଁଥିଲା । କିନ୍ତୁ ପରେ ଏହା ଶୀଘ୍ର କମିଗଲା ।
ଏଭଳି ପରିସ୍ଥିତିରେ ଆଶାର କିରଣ ରହିଛି । ଖୁବଶୀଘ୍ର ଏହା କମିବାର ଅନେକ ଆଶା ରହିଛି । ସେ କହିଛନ୍ତି ଯେ ପ୍ରମାଣ ଅଛି ଯେ ଓମିକ୍ରନ୍ ପୂର୍ବ ଡେଲଟା ଭାରିଆଣ୍ଟ ଅପେକ୍ଷା କମ୍ ପ୍ରଭାବ ଅଟେ । ଗତ ସପ୍ତାହରେ ଆମେରିକାର ମୃତ୍ୟୁ ଏବଂ ଡାକ୍ତରଖାନାରେ ଭର୍ତ୍ତି ହେବା ପୂର୍ବ COVID-19 ମାମଲା ତୁଳନାରେ ବହୁତ କମ୍ ଥିଲା ।
