ଝାରସୁଗୁଡା ୨୮।୬: ଝାରସୁଗୁଡା ଜିଲ୍ଲା ବ୍ରଜରାଜନଗର ଥାନା ଅନ୍ତର୍ଗତ ସମଲେଶ୍ବରୀ କୋଇଲା ଖଣିରେ ଟ୍ରକ୍ ଦୁର୍ଘଟଣା । ଦୁର୍ଘଟଣାରେ ଡ୍ରାଇଭର ରାମେଶ୍ବର ପ୍ରସାଦ ପାଣ୍ଡେଙ୍କ ମୃତ୍ୟୁ ହୋଇଛି । ମୃତକ ଜଣକ ପ୍ରୟାଗରାଜ ଉତ୍ତରପ୍ରଦେଶର ହୋଇଥିବା ବେଳେ ସେ ସମଲେଶ୍ବରୀ କୋଇଲା ଖଣିର ଠିକା କମ୍ପାନୀରେ ଡ୍ରାଇଭର ଭାବରେ କାର୍ଯ୍ୟ କରୁଥିଲେ । ଆଲୋକୀକରଣର ଅଭାବ ଓ କୋଇଲା ଗୁଣ୍ଡ ଯୋଗୁଁ ରାସ୍ତା ଦେଖାଯାଉନଥିବାରୁ ଦୁର୍ଘଟଣା ଘଟିଥିବା ସହକର୍ମୀ ଅଭିଯୋଗ କରିଛନ୍ତି । ରାମେଶ୍ବରଙ୍କ ପରିବାରବର୍ଗଙ୍କୁ ଏମସିଏଲ କର୍ତ୍ତୃପକ୍ଷ ଓ ଶାହାକୋଲ କର୍ତ୍ତୃପକ୍ଷ ପକ୍ଷରୁ ନିୟମ ମୁତାବକ କ୍ଷତିପୂରଣ ଓ ପରିବାରର ଜଣକୁ ନିଯୁକ୍ତି ଦିଆଯାଉ ବୋଲି ଦାବି କରିଛନ୍ତି ।
ସୂଚନାଯୋଗ୍ୟ ଯେ, ସୋମବାର ବିଳମ୍ବିତ ରାତିରେ ରାମେଶ୍ବର ଟ୍ରକ୍ ନେଇ ସାଇଡିଙ୍ଗରୁ କୋଇଲା ଖଣିକୁ ଆସୁଥିବା ବେଳେ ଆଉ ଏକ ଟ୍ରକ୍ ସହ ଧକ୍କା ହୋଇଥିଲା । ଫଳରେ ରାମେଶ୍ବରଙ୍କର ଗୋଡ଼ ଏବଂ ମୁଣ୍ଡରେ ଗଭୀର ଆଘାତ ଲାଗିଥିଲା। ତାଙ୍କୁ ଚିକିତ୍ସା ପାଇଁ ବୁର୍ଲା ହସ୍ପିଟାଲକୁ ନିଆଯାଇଥିଲା। ହେଲେ ସେଠାରେ ରାମେଶ୍ବରଙ୍କର ମୃତ୍ୟୁ ହୋଇଥିଲା ।
