ପଦ୍ମପୁର ୦୨/୧୨: ଆସନ୍ତା ୫ରେ ପଦ୍ମପୁର ଉପ-ନିର୍ବାଚନ । ଏଥିପାଇଁ ସବୁ ଦଳ ମୈଦାନରେ ଜୋରଦାର ପ୍ରଚାର କରୁଛନ୍ତି । ତେବେ ବିଜେଡି ପ୍ରାର୍ଥୀ ବର୍ଷା ରଞ୍ଜନ ସିଂହ ବରିହାଙ୍କ ପାଇଁ ଆଜି ପ୍ରଚାର କରୁଛନ୍ତି ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିପାଇଁ ମୁଖ୍ୟମନ୍ତ୍ରୀ ଝାରବନ୍ଧ ସଭାସ୍ଥଳରେ ପହଞ୍ଚି ବର୍ଷାଙ୍କ ପାଇଁ ଭୋଟ୍ ଅପିଲ୍ କରୁଛନ୍ତି ।
ଆଜି ଝାରବନ୍ଧ ସଭାସ୍ଥଳରେ ମୁଖ୍ୟମନ୍ତ୍ରୀ ଲୋକଙ୍କୁ ଅଭିଭାଷଣ ଦେଇଥିଲେ । ପ୍ରଭୁ ନରସିଂହ ନାଥରୁ ଅଭିଭାଷଣ ଆରମ୍ଭ କରିଲେ ମୁଖ୍ୟମନ୍ତ୍ରୀ । ଆଉ କହିଥିଲେ ଗଙ୍ଗାଧର ମେହେରଙ୍କ ପରବିତ୍ର ମାଟିରେ ସମସ୍ତଙ୍କୁ ପ୍ରଣାମ । ଝାରବନ୍ଧ ଅଞ୍ଚଳର ପ୍ରିୟ ଭାଇ ଓ ଭଉଣୀ ମାନଙ୍କୁ ମୋର ଜୁହାର୍ । ମା ମନେ ଭଉଣୀମାନେ, ଆପଣମାନେ ସମସ୍ତେ ଏତେ ସଂଖ୍ୟାରେ ଆସିଛନ୍ତି ସେଥିପାଇଁ ସମସ୍ତଙ୍କୁ ଧନ୍ୟବାଦ । ମୁଁ ସବୁବେଳେ ଆପଣମାନଙ୍କ ସୁଖଦୁଃଖରେ ସାମିଲ ହୋଇଛି । ମୁଁ ଗରିବ ଲୋକଙ୍କ ହକ୍ ପାଇଁ ଲଢେଇ ଜାରି ରଖିଛି ।
କେନ୍ଦୁପତ୍ର ତୋଳାଳୀ ମାନଙ୍କ କଲ୍ୟାଣ ପାଇଁ ହକ୍ ପାଇଁ ମୁଁ କାମ କରୁଛି । ଚାଷୀଙ୍କ କଲ୍ୟାଣ ପାଇଁ ଆମେ କାମ କରୁଛୁ । ମା ମାନଙ୍କୁ ଉଦ୍ୟୋଗୀ କରିବା ଆମର ଲକ୍ଷ୍ୟ । ଜନଜାତୀଙ୍କ କଲ୍ୟାଣ ପାଇଁ ମୁଁ କାମ କରୁଛି । ମୁଁ କଥା ନୁହେଁ କାମରେ ବିଶ୍ବାସ କରେ । ଚକ୍ରଧର ଡ୍ୟାମ ଉନ୍ନତିକରଣ, ୧୩୩/୧୧ କେଭି ସବଷ୍ଟେସନ ଆପଣମାନଙ୍କର ଦାବି ଥିଲା । ଆପଣମାନଙ୍କର ସ୍ୱପ୍ନ ସାକାର ହେବ । ମୋର ଅନୁରୋଧ, ବିଜୁ ଜନତା ଦଳ ପ୍ରାର୍ଥୀ ବର୍ଷ। ସିଂହ ବରିହାଙ୍କୁ ଆଶିର୍ବାଦ କରନ୍ତୁ ।
