ରାଞ୍ଚି : ହତ୍ୟାର ୧୪ ଦିନ ପରେ ଆଦିବାସୀ ମହିଳା ରୁବିକା ପାହାଡ଼ିନ (୨୨)ଙ୍କ କଟାମୁଣ୍ଡ ଶନିବାର ବୋରିଓ ବଜାର ନିକଟ ଏକ ପୋଖରୀରୁ ଉଦ୍ଧାର କରାଯାଇଛି। ସ୍ଥାନୀୟ ମତ୍ସ୍ୟଜୀବୀମାନେ ମାଛ ଧରୁଥିବାବେଳେ ପୋଖରୀରେ ପଡ଼ିଥିବା ମୁଣ୍ଡକୁ ଦେଖି ବୋରିଓ ପୁଲିସକୁ ଖବର ଦେଇଥିଲେ।
ରେବିକା ପାହାଡିନଙ୍କୁ ତାଙ୍କ ସ୍ୱାମୀ ଦିଲଦାର ଅନସାରୀ ଏବଂ ଶାଶୂ-ଶ୍ବଶୁର ହତ୍ୟା ପରେ ଶରୀରକୁ ଖଣ୍ଡ ଖଣ୍ଡ କରି ଫୋପାଡ଼ିଥିବା ଅଭିଯୋଗ ହୋଇଥିଲା। ପରେ ସେମାନେ ଗିରଫଦାରୀକୁ ଏଡ଼ାଇବା ଥାନାରେ ଏକ ନିଖୋଜ ଅଭିଯୋଗ କରିଥିଲେ। କେସ୍ ରୁଜୁ କରି ପୁଲିସ ତଦନ୍ତ ଆରମ୍ଭ କରିଥିଲା।
ଶନିବାର ସନ୍ଧ୍ୟାରେ ସନ୍ଥାଲି ମୋମିନ ଟୋଲା ଅଞ୍ଚଳର ଏକ ପରିତ୍ୟକ୍ତ ଘରୁ ରୁବିକାଙ୍କ ମୃତଦେହ ଉଦ୍ଧାର କରିଥିଲା। ବୋରିଓ ସନ୍ଥାଲି ଗାଁର ଏକ ନିର୍ମାଣାଧୀନ ଅଙ୍ଗନୱାଡି କେନ୍ଦ୍ର ପଛପଟୁ ମଣିଷ ଗୋଡ଼ ଏବଂ ଶରୀରର ଅନ୍ୟ ଅଙ୍ଗ ମିଳିବା ପରେ ପୁଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ସନ୍ଧାନୀ କୁକୁର ସାହାଯ୍ୟରେ ବିଭିନ୍ନ ସ୍ଥାନ ଖୋଜାଖୋଜି କରାଯାଇଥିଲା। ଆଇନ ଶୃଙ୍ଖଳା ଦୃଷ୍ଟିରୁ ସମ୍ପୃକ୍ତ ଅଞ୍ଚଳରେ ପୁଲିସ ମୁତୟନ କରାଯାଇଛି। ରୁବିକାଙ୍କ ସ୍ବାମୀ, ଶାଶୂ-ଶ୍ବଶୁରଙ୍କୁ ପୁଲିସ ଅଟକ ରଖି ଅଧିକ ପଚରାଉଚରା କରୁଛି।
