ନୂଆଦିଲ୍ଲୀ ୦୨/୦୮ : ବଲିଉଡରେ ନିଜର ପରିଚୟ ସୃଷ୍ଟି କରୁଥିବା ସୋରାଜ ପାଞ୍ଚୋଲି ପୁଣି ଥରେ ସମସ୍ୟା ମଧ୍ୟରେ ଘେରି ହୋଇ ଯାଇଛନ୍ତି । ଅଭିନେତ୍ରୀ ଜିଆ ଖାନ ଆତ୍ମହତ୍ୟା ମାମଲାରେ ନିକଟରେ ଏକ ନୂଆ ମୋଡ଼ ସାମ୍ନାକୁ ଆସିଛି। ଏହି ମାମଲା ସିବିଆଇକୁ ହସ୍ତାନ୍ତର କରାଯାଇଛି। ଏଥି ସହିତ, ସିବିଆଇକୁ ମାମଲା ହସ୍ତାନ୍ତର କରିବା ପରେ ସୋରାଜ ପାଞ୍ଚୋଲି ଏହି ପ୍ରସଙ୍ଗରେ ଏକ ବଡ଼ ବିବୃତ୍ତି ଦେଇଛନ୍ତି। ସେ କହିଛନ୍ତି ଯେ ବର୍ତ୍ତମାନ ସେ ସନ୍ତୁଷ୍ଟ ଅଛନ୍ତି କାରଣ ଶୀଘ୍ର ସତ୍ୟ ସମସ୍ତଙ୍କ ନିକଟରେ ପ୍ରକାଶ ପାଇବ। ଏହା ସହିତ ସୁରଜ ଆହୁରି ମଧ୍ୟ କହିଛନ୍ତି ଯେ ଯଦି ସେ ଏହି ମାମଲାରେ ଦୋଷୀ ସାବ୍ୟସ୍ତ ହୁଅନ୍ତି ତେବେ ତାଙ୍କୁ ଦଣ୍ଡ ଦିଆଯିବା ଉଚିତ୍।
ନିକଟରେ ଏକ ଇଣ୍ଟରଭ୍ୟୁରେ ସୋରାଜ କହିଛନ୍ତି, ଯଦି ମୁଁ ଏହି ମାମଲାରେ ଦୋଷୀ ସାବ୍ୟସ୍ତ ହୁଏ, ତେବେ ମୋତେ ଦଣ୍ଡ ଦିଅଯିବ, ଏବଂ ଯଦି ମୁଁ ନିର୍ଦ୍ଦୋଷ ପ୍ରମାଣିତ ହୁଏ ତେବେ ମୋତେ ସମସ୍ତ ଅଭିଯୋଗରୁ ମୁକ୍ତ କରାଯିବ । ସେ କହିଛନ୍ତି ବହୁ ପୂର୍ବରୁ ଏହି ମାମଲା ସିବିଆଇକୁ ଦିଆଯିବା ଉଚିତ୍ ଥିଲା କିନ୍ତୁ ତାହା ହୋଇ ନଥିଲା। ବର୍ତ୍ତମାନ ଏହା ବିଳମ୍ବ ହେଲେ ମଧ୍ୟ ମୋତେ ଆରାମ ମିଳିଛି ।
ସୋରାଜ ଆହୁରି ମଧ୍ୟ କହିଛନ୍ତି ଯେ, ଗତ ୮ ବର୍ଷ ମଧ୍ୟରେ, ଏହି ମାମଲା ଯୋଗୁଁ ମୋର ଇମେଜ୍ ବହୁତ ଖରାପ ହୋଇଯାଇଛି ଏବଂ ଏହି ଖରାପ ସମୟରେ, ମୋ ପରିବାର ମୋତେ ସମ୍ପୂର୍ଣ୍ଣ ସମର୍ଥନ କରିଛନ୍ତି । ମୁଁ ନିଜେ ଏହି ସବୁ ଜିନିଷକୁ ଭୁଲି ଆଗକୁ ବଢିବାକୁ ଚାହୁଁଛି । ଏଥି ସହିତ, ମୋର ଏବଂ ମୋ ପରିବାରର ଏହି ଆଶା ଅଛି ଯେ ବର୍ତ୍ତମାନ ସିବିଆଇ କୋର୍ଟ ଅନ୍ତତଃ ଏହି ମାମଲାକୁ ଶୀଘ୍ର ଶେଷ କରିବ ।
