ସାଲେପୁର ୨।୭: ଜମିବାଡି ବିବାଦକୁ ନେଇ ଗୋଟିଏ ପରିବାରକୁ ମରଣାନ୍ତକ ଆକ୍ରମଣ । ଆକ୍ରମଣରେ ପରିବାର ଲୋକେ ଗୁରୁତର ହୋଇଛନ୍ତି । ଏ ନେଇ ଫାଣ୍ଡିରେ ଅଭିଯୋଗ ହୋଇଛି । ଏଭଳି ଘଟଣା ଘଟିଛି କଟକ ଜିଲ୍ଲା ଜଗତପୁର ଥାନା ପାଗା ଫାଣ୍ଡି ଅନ୍ତର୍ଗତ ସିଙ୍ଗମାପୁର ଗ୍ରାମରେ । ତପନ କୁମାର ଜେନା ଏବଂ ତାଙ୍କ ପରିବାର ଲୋକେ ଗୁରୁତର ହୋଇଛନ୍ତି ।
ସୂଚନାଯୋଗ୍ୟ ଯେ, ଜମିବାଡି ବିବାଦକୁ ନେଇ ଗାଁର ତପନ କୁମାର ଜେନାଙ୍କୁ ପଡୋଶୀ ବାବାଜୀ ଚନ୍ଦ୍ର ଜେନା ଓ ତାଙ୍କ ଦୁଇ ପୁଅ ପ୍ରଶାନ୍ତ କୁମାର ଜେନା ଓ ସୁଶାନ୍ତ କୁମାର ଜେନା ସଂଘବଧ ଭାବେ ଆକ୍ରମଣ କରିଥିଲେ । ଆକ୍ରମଣରେ ତପନଙ୍କ ପରିବାର ଲୋକେ ଗୁରୁତର ହୋଇ ପଡିଥିଲେ । ଗୁରୁତରଙ୍କୁ ଚିକିତ୍ସା ପାଇଁ ଆମ୍ବୁଲାନ୍ସ ଯୋଗେ କଟକ ବଡ ମେଡିକାଲକୁ ପଠାଇ ଦିଆଯାଇଥିଲା । ଏ ନେଇ ତପନ କୁମାର ଜେନା ଜଗତପୁର ଥାନା ପାଗା ଫାଣ୍ଡିରେ ଆକ୍ରମଣକାରୀଙ୍କ ନାମରେ ଲିଖିତ ଅଭିଯୋଗ କରିଛନ୍ତି । ପୋଲିସ ଅଭିଯୋଗ ପାଇବା ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିବା ଅଭିଯୋଗ ହୋଇଛି । ପୋଲିସର କାର୍ଯ୍ୟାନୁଷ୍ଠାନରେ ବିଳମ୍ବ ଯୋଗୁଁ ପରିବାର ଲୋକେ ଏବେ ଭୟଭୀତ ଅବସ୍ଥାରେ ରହିଛନ୍ତି ।
