ନୂଆଦିଲ୍ଲୀ, ୧୯/୦୪: ଚଳିତ ଆଇପିଏଲର ୩୦ ତମ ମୁକାବିଲାରେ ହ୍ୟାଟ୍ରିକ୍ ନେଇଛନ୍ତି ୟୁଜବେନ୍ଦ୍ର ଚହଲ । ରାଜସ୍ଥାନ ରୟାଲ୍ସ ପକ୍ଷରୁ ଖେଳୁଥିବା ଚହଲ କୋଲକାତା ନାଇଟ ରାଇଡର୍ସର ୫ ବ୍ୟାଟରଙ୍କୁ ଶିକାର କରିଛନ୍ତି ।ଚହଲଙ୍କ ପାଇଁ ରାଜସ୍ଥାନ କୋଲକାତାକୁ ୭ ରନରେ ମାତ୍ ଦେଇଥିଲା । ତେବେ ଏହି ଲେଗ ସ୍ପିନରଙ୍କୁ ସଫଳତା ପାଇଁ ପ୍ରଶଂସା କରିଛନ୍ତି କିମ୍ବଦନ୍ତୀ ବୋଲର ଲସିଥ ମାଲିଙ୍ଗା ।
୩୧ ବର୍ଷୀୟ ଚହଲଙ୍କ ପ୍ରଦର୍ଶନ ବାବଦରେ ରାଜସ୍ଥାନ ବୋଲିଂ କୋଚ୍ ମାଲିଙ୍ଗା କହିଛନ୍ତି ଯେ, ୟୁଜବେନ୍ଦ୍ର ଚହଲ ନିଜକୁ ପ୍ରମାଣିତ କରିଛନ୍ତି । ଲେଗସ୍ପିନରଙ୍କୁ ମ୍ୟାଚ୍ ଓ୍ୱିନର୍ କୁହାଯାଇଥାଏ । ଚହଲ କୋଲକାତା ବିପକ୍ଷରେ ୧୭ତମ ଓଭରରେ ଦମଦାର ବୋଲିଂ କରିଥିଲେ । ତାଙ୍କୁ ସିଜିନର ପ୍ରଥମ ହ୍ୟାଟ୍ରିକ୍ ମଧ୍ୟ ମିଳିଥିଲା ।
ମାଲିଙ୍ଗା ଆହୁରି ମଧ୍ୟ କହିଛନ୍ତି ଯେ, ଚହଲଙ୍କ ପାଖରେ ଅନ୍ତର୍ଜାତୀୟ କ୍ରିକେଟ ଖେଳିବାର ଅନୁଭବ ରହିଛି । ସେ ସବୁଠାରୁ ଅନୁଭବୀ ବୋଲର । କିପରି ନିୟନ୍ତ୍ରିତ ବୋଲିଂ କରାଯାଏ ତାହା ସେ ଜାଣନ୍ତି । ନିଜକୁ ପ୍ରମାଣିତ କରିବା ପାଇଁ ଏହା ଚହଲଙ୍କ ପାଇଁ ସବୁଠୁ ବଡ ସୁଯୋଗ ବୋଲି ମଧ୍ୟ ଶ୍ରୀଲଙ୍କାର ପୂର୍ବତନ ବୋଲର କହିଛନ୍ତି ।
