ଭୁବନେଶ୍ୱର, ୦୭/୦୨: ଘୋଷଣା ହେଲା ରଣଜୀ ଟିମ । ୨୦ ଜଣିଆ ଓଡିଶା ଟିମ୍ ଘୋଷଣା କରିଛି ଓଡିଶା କ୍ରିକେଟ ସଂଘ। ଶୁଭ୍ରାଂଶୁ ସେନାପତିଙ୍କ ମୁଣ୍ଡରେ ରହିଛି ଅଧିନାୟକ ଭାର। ଦଳରେ ରହିଛି ଉଭୟ ଯୁବ ଓ ଅଭିଜ୍ଞ ଖେଳାଳି।।
ଗ୍ରୁପ ଡିରେ ରହିଛି ଓଡିଶା। ସୌରଷ୍ଟ୍ର, ମୁମ୍ବାଇ ଓ ଗୋଆ ଭଳି ଶକ୍ତିଶାଳୀ ଟିମ୍ ଗୋଟିଏ ଗ୍ରୁପରେ ରହିଥିବାରୁ ଏହି ସିଜନ ଓଡିଶା ପାଇଁ ରହିବ ଟଫ୍ । କେବେଠୁ ମ୍ୟାଚ ଆରମ୍ଭ ହେବ ତାହା ସ୍ପଷ୍ଟ କରିନି ବିସିସିଆଇ। ବିଜୟ ହଜାରେ ଟ୍ରଫିରେ ଓଡିଶା ବେଶ ଭଲ ପଦର୍ଶନ କରିଥିଲା । ଦୁଇ ବର୍ଷ ପରେ ରଣଜୀ ସିଜିନ୍ ଫେରିଛି। ଏହାସହ ଜାଫର ମୁଖ୍ୟ କୋଚ୍ ଥିବାରୁ ଓଡିଶା ଏହି ସିଜନ ଭଲ ପ୍ରଦର୍ଶନ କରିବ ବୋଲି ଆଶା କରାଯାଉଛି।
କୋଭିଡ ସମୟରେ ଝାଡଖଣ୍ଡ ସହ ୪ଟି ଅଭ୍ୟାସ ମ୍ୟାଚ ଖେଳିଥିଲା ଓଡିଶା। ଦଳରେ ୪ଜଣ ଓପନର ଦୁଇଟି କିପର ରହିଛନ୍ତି । ଅଂଶୁମାନ ରଥ ପ୍ରଥମ ଥର ପାଇଁ ରଣଜୀ ମୈଦାନରେ ନଜର ଆସିବେ। ତେବେ ବୋଲିଂ ଦାୟିତ୍ୱରେ ଭେଟରାନ ବସନ୍ତ ମହାନ୍ତି ମଧ୍ୟ ଦଳରେ ରହିଛନ୍ତି ।୨୦୧୯ -୨୦ରେ ବେଙ୍ଗଲଠୁ କ୍ୱାଟରରେ ହାରିଥିଲା ଓଡିଶା। କିନ୍ତୁ ଚଳିତବର୍ଷ ଟିମ ଭଲ ପଦର୍ଶନ କରିବା ନେଇ ଆଶା ରଖିଛି ଓସିଏ ।
