ଗୁଜୁରାଟ ୨୬/୦୧: ଗୁଜୁରାଟର ଦ୍ୱିତୀୟ ବୃହତ୍ତମ ଜିଲ୍ଲା ହେଉଛି କଛ । ଦେଶରେ ଏହା ଭୂକମ୍ପ ପାଇଁ ଏହା ସବୁଠାରୁ ଅସୁରକ୍ଷିତ ଅଞ୍ଚଳ ଅଟେ । ଏହି କାରଣରୁ ଏଠାରେ ରହୁଥିବା ଲୋକମାନେ ନିଜ ଘରକୁ ଏକ ଭିନ୍ନ ଢଙ୍ଗରେ ତିଆରି କରିଛନ୍ତି । ଗତ କିଛି ଶତାବ୍ଦୀରେ ଭୂକମ୍ପ ହେତୁ କଛ ପ୍ରବଳ ବିନାଶର ସମ୍ମୁଖୀନ ହୋଇଥିଲା । ଏଠାରେ ୧୮୧୯ର ଭୂକମ୍ପ ସମୟରେ ୧୫୦୦ରୁ ଅଧିକ ଲୋକ ପ୍ରାଣ ହରାଇଥିଲେ । ହଜାର ହଜାର ଘର ନଷ୍ଟ ହୋଇଯାଇଥିଲା ।
ଏହାର ପ୍ରାୟ ୧୮୦ ବର୍ଷ ପରେ, ୨୦୦୧ରେ ଭୁଜକୁ ଆସିଥିବା ଏହି ପ୍ରାକୃତିକ ବିପର୍ଯ୍ୟୟ ପୁଣି ହଜାରେ ଲୋକଙ୍କ ଜୀବନକୁ ନଷ୍ଟ କରିଦେଲା । ଏଠାରେ ଥିବା ଅନେକ ସିମେଣ୍ଟ କୋଠା ଭୁଶୁଡି ପଡିଥିଲା । କିନ୍ତୁ ଭୂକମ୍ପର କେନ୍ଦ୍ରବିନ୍ଦୁ ହୋଇଥିଲେ ସୁଦ୍ଧା ‘ଭୁଙ୍ଗା’ ଷ୍ଟାଇଲ୍ ଘରର କୌଣସି କ୍ଷତି ହୋଇ ନାହିଁ । ୧୮୧୯ ଭୂକମ୍ପ ପରେ ଏଠାକାର ଲୋକମାନେ ‘ଭୁଙ୍ଗା’ ଶୈଳୀରେ ଘର ନିର୍ମାଣ କରିଥିଲେ । ଭବିଷ୍ୟତର ବିପଦକୁ ଦୃଷ୍ଟିରେ ରଖି ସେ ଏହି ଶୈଳୀକୁ ଗ୍ରହଣ କରିଥିଲେ ।
ଘରଗୁଡ଼ିକ ଏହି ଅନନ୍ୟ ଶୈଳୀରେ ଗୋଲାକାର କାନ୍ଥ ସହିତ ନିର୍ମିତ, ଯାହା ଭୌଗୋଳିକ ପରିବେଶ ସହିତ ସମ୍ପୂର୍ଣ୍ଣ ଉପଯୁକ୍ତ । ଏହି ପରିବେଶ ଅନୁକୂଳ ଘରଗୁଡ଼ିକ ବାଉଁଶ, ମାଟି ଏବଂ କାଠ ପରି ସ୍ଥାନୀୟ ଉପଲବ୍ଧ ଉତ୍ସରୁ ନିର୍ମିତ । ଗାଈ, ଓଟ କିମ୍ବା ଘୋଡା ଖତକୁ ମାଟିରେ ମିଶାଇ ଘରର କାନ୍ଥ ପ୍ରସ୍ତୁତ କରାଯାଏ । ଏହି ଘରର କାନ୍ଥଗୁଡ଼ିକ ମୋଟା, ଯେଉଁଥିପାଇଁ ତାପମାତ୍ରା ଯଥେଷ୍ଟ ସନ୍ତୁଳିତ ରହିଥାଏ । ଏହା ଗ୍ରୀଷ୍ମ ଋତୁରେ ଘରକୁ ଥଣ୍ଡା ଏବଂ ଶୀତଦିନେ ଗରମ ରଖେ ।
