ଗୁଜୁରାଟ୧୨/୮ : ତିନିଦିନିଆ ଗୁଜୁରାଟ ଗସ୍ତରେ ଯାଇଛନ୍ତି ଗୃହମନ୍ତ୍ରୀ ଅମିତ ଶାହା । ଏହି ଅବସରରେ ଶାହା ଅହମ୍ମଦାବାଦର ଜଗନ୍ନାଥ ମନ୍ଦିରରେ ଭଗବାନଙ୍କୁ ପ୍ରାର୍ଥନା କରିଥିଲେ । କେବଳ ସେତିତି ନୁହେଁ ନିଜେ ମଧ୍ୟ ମହାବାହୁଙ୍କ ଆଳତୀ କରିଥିଲେ । ପରେ ହାତୀଙ୍କୁ ମଧ୍ୟ ଖାଦ୍ୟ ଦେଇଥିଲେ । ସୂଚନା ଯୋଗ୍ୟ ଯେ, ଗୁଜୁରାଟରେ ଭଗବାନ ଜଗନ୍ନାଥଙ୍କ ରଥଯାତ୍ରା କରାଯିବ । କରୋନା କର୍ଫ୍ୟୁ ମଧ୍ୟରେ କେବଳ ରଥ ଟଣାଯିବ ।
ତେବେ ଏଥିରେ କୌଣସି ଲୋକ ଅଂଶଗ୍ରହଣ କରିପାରିବେ ନାହିଁ । ହେଲେ ରଥଯାତ୍ରା ପୂର୍ବରୁ ଅମିତ ଶାହା ଭଗବାନ ଜଗନ୍ନାଥଙ୍କ ଆଳତୀ କରିଛନ୍ତି । ଗୃହମନ୍ତ୍ରୀ ଅମିତ ଶାହାଙ୍କ ପାଇଁ ମନ୍ଦିରରେ ସୁରକ୍ଷା ବ୍ୟବସ୍ଥା କଡାକାଡି କରାଯଇଥିଲା ।
ସୋସିଆଲ ମିଡିଆରେ ଭାଇରାଲ ହେଉଛି ଶାହାଙ୍କ ଆଳତୀ କରୁଥିବାର ଦୃଶ୍ୟ । ଯେଉଁଥିରେ ଅମିତ ଶାହାଙ୍କ ହାତରେ ଏକ ଥାଳି ସହ ପ୍ରାର୍ଥନା କରୁଥିବା ଦେଖିବାକୁ ମିଳିଛି । ସେପଟେ ଆଉ ଏକ ଭିଡିଓ ପୋଷ୍ଟ ହୋଇଛି । ଯେଉଁଥିରେ ଅମିତ ଶାହା ହାତୀକୁ ଖାଇବାକୁ ଦେଉଛନ୍ତି ।
